fbpx
香港人遊香港

深圳按摩店:【周遊深圳!5間深圳文青風/泰式/休閒按摩店!】- 得閒/泰適/正經推拿/一刻間/靜舍

5間深圳文青風/泰式/休閒按摩店!竟然有按摩店走文青風?

上次介紹左深圳幾間唱k既好去處比大家,唱到夜一夜又唔想咁快走既話,不妨去按摩店chill下!其實近年深圳都開左唔少特色按摩店,有文青風、中國風、仲有主打閨蜜路線既按摩店,打破曬以前對深圳按摩店唔好既印象。平時係香港做野做到腰酸背痛既你地,真係好岩上去做過按摩放鬆下,以下介紹既都係有特色同埋相對較合理既深圳按摩店。

1)文青風小清新按摩店:得閒


▲店名叫「得閒」,望落好光猛,大家得閒可以一齊上深圳按摩。
▲走文青風既按摩店當然唔少得文青既擺設同語錄。
▲佢地既獨立房間仲有埋名,其他名例如包括「金茶」、「柳染」、「青丹」同「杜若」,起得好有意境!
▲房間內部裝潢光猛企理,係好值得去既按摩店。

得閒

地址:南山區晶品居115-116
營業時間:10:30-22:00

2) 深圳人氣泰式按摩店:泰適


▲「泰適」係近年既人氣泰式按摩店。
▲大堂充滿泰國風情,行到攰可以過黎hea下。
▲按摩房間既環境都幾舒適。

按摩完仲可以叫番碗糖水食下。

泰適

地址:福田區福華一路與中心二路交匯處購物公園北園A區3樓
營業時間:星期一至星期日 10:30am – 11:30pm

3) 新開日式風格按摩店:正經推拿


▲「正經推拿」係一間新開既按摩店。
▲按摩店內既裝潢以日式風格為主,所以會比較素淨。
▲環境算係唔錯 靜靜地抖下都幾舒服。
▲淋浴間設有浴缸,按摩完可以沖番個靚涼先走。

正經推拿

地址:深圳市南山區後海濱路與岸灣二街交匯處綠海灣花園33號舖
營業時間:星期一至日 10:00-23:00

4)人氣休閒按摩店:一刻間


▲一刻間係中國大陸既按摩連鎖店,都幾有口碑嫁。
▲佢地既裝潢令人感到放鬆。

▲具高私隱度既獨立按摩房間。

一刻間

地址:福華路卓越時代廣場一期3樓C鋪
營業時間:星期一至五 10:00-22:00、星期六至日 11:00-22:00

5) 城市中的一片淨土:靜舍


▲接待處後面用左百子櫃做裝飾。
▲大堂既擺設同傢具極具中國特色。
▲外面仲整到好似中國園林咁,係到嘆下茶都幾好。

靜舍

地址:福田區民田路購物公園北區3樓301鋪
營業時間:11:00-24:00

文字來源:香港人.遊香港/圖片來源:小紅書@Hellovida维达先森、@U米控、@青木流香、@金、@Reviaxxx、@natalie、@我是你的康^楽^鼓掌、@一只NEWS

 

Tagged with:     , ,

Follow us

合作查詢

歡迎與我們聯絡, 查詢合作