荃灣糖水店:【荃灣糖水小店超過30款椰皇糖水!街坊同時推介手工千層班戟!】- Sweetheart

個個食糖水都淨係諗起發記滿記,唔悶既咩!?荃灣出名多糖水小店,好似呢間專門主打椰皇甜品,夏天食真係一流!椰皇桃膠椰皇燉鮮奶就岩哂貪靚既女士們食,食糖水都有得滋補養顏,燉鮮奶椰味香濃,不過同時唔會失卻左牛奶味道﹐又滑又軟,食完仲可以刮厚厚椰子肉黎食!除左椰皇熱食甜品之外,仲會有芒果、小丸子加椰皇呢d組合配搭,食多幾次都唔會生厭!店鋪另一名物亦受食客喜愛,就係千層蛋糕類別喇,千層蛋糕蛋皮係即叫即製,其中有蜜糖青檸同香甜紫薯最多食客追捧,雖然工夫唔及Lady M呢d大牌,但食落都見誠意十足,好有小店風味!

▲呢度雖然主打椰皇燉鮮奶甜品,不過選擇一d都唔單一,有凍有熱,亦可選椰皇配小丸子、芒果($48)等水果

▲桃膠燉鮮奶椰皇($45)呢個甜品有滋補潤燥之效,而桃膠更係近年追捧既superfood之一,女生最愛!燉奶混和左椰香同奶香味,質感亦十分軟滑。

▲椰皇全寶($46)再滋補d,可以試下呢個有8樣材料既椰汁鮮奶,包括有椰果、粟子、桂圓肉、杞子、雪耳、雪燕、桃膠、雪蓮子同花膠

▲椰皇水果山($49),以椰皇作器皿,啫喱底加埋雜果、椰果同雪糕

▲清新蜜糖青檸千層班戟($44),食落口感超fresh!班戟皮係即日做,做到透薄煙韌,真係好難得!蜜糖加酸酸地既青檸,又唔會好溜!

▲香甜紫薯千層班戟($44),班戟內餡採用法國忌廉,表面灑滿紫薯粉,吸睛非常,係打卞呃like必叫。

Sweetheart

地址:荃灣鱟地坊8號卓明大廈地舖
電話:68481247
營業時間:14:00 – 00:00

文字來源:香港人遊香港/圖片來源:@chickforfood、@blueblueying、@bigbean0608、@sweetheartsuenwan、@tsuimoz、@foodmonstershk