苗栗民宿:【水中純白鋼琴 靚到仙境咁 苗栗最靚法式餐廳兼民宿】- 勻淨湖景觀餐廳民宿

水中竟然有鋼琴?呢個唔係MV場景,而係台灣苗栗一間民宿兼餐廳既獨有打卡位!呢間民宿遠離繁囂,四面都係湖光山色,民宿主人特別將純白既鋼琴同桌椅擺放係水池中,營造出天人合一既絕美浪漫之景,真係可以行入水中影相架!天氣好既時候面對藍天白雲,加上唯美既鋼琴,同遠處既山景點綴,大自然之景一覽無遺,無論打卡點影都一樣咁靚!餐廳仲有生態園區可以參觀,園區旁邊就係一座白色大片落地窗既民宿,每個房型都有唔同景色,將窗簾拉開真係有置身於大自然既感覺!民宿提供一泊二食套餐,作為法式餐廳,無論環境定菜式都有一定水準,包括焗田螺、南瓜湯、羊架、油封鴨腿、甜品馬卡龍等等。

▲水中鋼琴係呢間民宿餐廳既精心設計,打卡專用!

▲水中亦擺放左白色既桌椅,面對湖光山色歎下午茶,同大自然融為一體

▲唔同時候仲有不同美景,日落夕陽都一樣咁靚

▲水池放置於餐廳外,客人可以邊享受美食,邊欣賞到靚景

▲民宿以純白色設計,每間房都採用大片落地玻璃窗,採光一流

▲將窗簾拉開就會欣賞到青山綠水藍天白雲,好似住係透明屋一樣

▲四人房樓底更高,周圍都有好多綠樹,非常清新

▲作為法式餐廳,菜色算係高檔美味,一D都唔馬虎。不過要注意餐廳只捐受預約,想去既話就要提早BOOK啦

勻淨湖景觀餐廳民宿

地址:苗栗縣大湖鄉新開村70-1號 (建議包車到達)
電話:(03)795-1007
營業時間:11:00~19:00

文字來源:香港人遊香港/圖片來源:@miachan1218、@mini8974155、@meiyin0304、勻淨湖景觀餐廳民宿facebook