厚豬扒茶餐廳:【份量十足厚豬扒全日早餐!豬扒包+焗豬水準高!】- 元朗冰室

呢間唔喺元朗既元朗冰室,係九龍區開左幾間分店,打住厚切豬扒既旗號見稱,無論係早餐、茶餐定午市,都同呢塊厚切豬扒有關,厚切豬扒可以配搭厚豬扒全日早餐,配香草豬肉腸、芝麻醬沙律同酥香既牛角包,又邪惡又令人食過返尋味,下午茶就有豬扒包,塊豬扒份量十足,分分鐘大過你塊面!鬆厚豬扒肉質鮮嫩,肥瘦均衡,骨位有少許甘香脂肪。而飯市既焗意式厚豬扒飯價錢係九龍區黎講都算親民,食得出係新鮮即焗。

▲厚切豬扒飯($62),豬扒大大塊,肉質鬆軟而厚身,表面煎香,內裡有肉汁

▲厚切豬扒飯($62)係lunch time必叫item,每一台都最少有1個人食緊,果然係招牌!

▲厚切豬扒飯($62),切開豬扒有甘香既油脂包住,食落唔會乾淨淨

▲厚切豬扒仲有全日早餐($59)呢個選擇,除左厚切豬扒之外,仲有香草腸、沙律、焗茄汁豆、炒蛋、牛角包等。

▲講到厚切豬扒既組合,當然唔少得厚切豬扒焗飯($56),厚切豬扒配酸甜蕃茄、菠蘿同炒底飯都好吸引!

▲除左厚切豬扒之外,茶市都唔少人鐘意食呢個一口西多士,淋上勁多朱古力醬!

元朗冰室

尖沙咀店地址:尖沙咀金馬倫道48號中國保險大廈地下A2號舖
深水埗店地址:深水埗元州街1號地下
長沙灣店地址:長沙灣東沙島街167B號地舖
太子店地址:太子太子道西141號長榮大廈地下G2-7號舖
旺角店地址:旺角彌敦道726號地下1-2號舖
將軍澳店地址:將軍澳貿業路8號新都城中心3期地下G24-25號舖

文字來源:香港人.遊香港/圖片來源:@mic_michael、@niceto8you、@matcha.hts、@bebebenlee、@franco.lui