尖沙咀拉麵店:【排晒長龍必試新派人氣芝士龍蝦同海膽沾麵】- 元祖沾麵專門店 

香港開左好多間食沾麵既鋪頭,間間唔係魚介湯、豚骨湯或者蝦湯,今次介紹呢間係以芝士濃湯為湯底,同埋沾麵係採用日本小麥粉製作而成,極太麵粗幼度較平日所吃到既粗啲,麵條過左冷河,令到啲麵質好彈牙,配上熱騰騰既沾麵湯汁就令到啲溫度岩岩好。沾麵仲會有埋叉燒片同半隻溏心蛋比你。呢間鋪頭成日排晒長龍,好多人都係想試佢個芝士龍蝦同埋芝士海膽沾麵,價錢百幾蚊但係份量好多,相對下都好抵食。

▲RACLETTE芝士龍蝦沾麵($168): 原隻龍蝦用芝士加牛油放落焗爐度焗,再配上龍蝦石鍋湯作沾麵湯底,湯入面仲有龍蝦肉!龍蝦肉好彈牙。

芝士海膽沾麵($148): 有一板由日本新鮮空運到香港既海膽,再配上海膽芝士湯作沾麵湯底,海膽味道加上湯汁的忌廉芝士味,真係好好食!同埋湯底仲有海膽,絕對抵食。

▲極上芝士蟹皇沾麵($148 ):上面舖上芝士然後烤焗。蟹殼裡面有蟹膏膽蟹肉,蟹肉都好鮮甜。

芝士湯真係好濃郁芝士味,飲晒成碗會好飽。

▲除左食沾麵之外,呢度仲有鏝魚蛋包飯($118): 原條鰻魚勁大條,滑蛋仲會漏啲蛋汁出黎同埋有可以拉絲既芝士。

▲ 餐廳會有食沾麵既正宗食法教學比客人參考。

▲餐廳門口經常都要排大隊,如果大家想排少啲時間,就記得早啲到啦!

元祖沾麵專門店

地址:尖沙咀厚福街5-6號多富閣地下5號舖
營業時間:12:00 – 00:00
電話:
37098140

文字來源:香港人.遊香港/圖片來源:@gansohkwingwing612、@angelrab123