提起法國就等於浪漫,今個五月新都會廣場夥拍「Le French May法國五月」打造超過四萬呎既大型戶外浪漫莊園,多個超浪漫打卡位「夢幻鐵塔」、「花都小屋」、「鏡花迷道」、「繁花階梯」等等利用幻影同裝置都令人有如置身法國!仲有美食市集搜羅到多間精緻既法國餐飲品牌同啤酒等,有經典既法國油封鴨腿、豬肉和豬肝醬、超鬆脆既法式牛角包同蝴蝶酥、法式漢堡、蜜糖西多士條、班戟等等,比你一次過歎盡真正法國既美味!
▲位於露天廣場既「繁花階梯」,由上千百的艷紅玫瑰、法國國花鳶尾花、罌粟花同向日葵等形成澎湃既花海,色彩鮮艷打卡一流
▲位於戶外既「花都小屋」無論係建築定點綴既花和藤蔓,都充滿法式莊園既浪漫風情
▲作為浪漫代表既「夢幻鐵塔」,就以影像重疊既夢幻方式置於木框中呈現,夠晒幻夢迷離,影相也非常特別
▲「鏡花迷道」豎立兩塊鏡,運用鏡像原理將鮮花反射,營造出一望無際既花園感覺,簡易用手機就可以易拍出置身花海既靚相
▲「霓虹雅座」設計優雅,打卡必到!
▲法國又點少得紅酒?「田園酒莊」以一串串鮮艷葡萄同酒桶,帶你醉身於莊園中
▲相信呢個彩色玻璃窗打卡位亦係大家最愛!
▲除左多個打卡位,莊園內亦有多款法式美食,沙嗲牛肉菠蘿包
▲天氣咁熱,小編就大推呢個雜果涼粉!
▲法式貝殼蛋糕
▲牛角包
▲自家製蝴蝶酥
▲大家仲有機會歎到由法國米芝蓮名廚設計既高級精緻料理,實現「Farm to Table」不時不食既美食享受
▲市集另一邊,亦有精品手作!
▲七彩馬賽克吊牌及巴黎鐵塔。
新都會廣場 x Le French May法國五月
「法式春日莊園」
地點:葵芳新都會廣場
日期: 2019年5月1日(星期三)至6月16日(星期日)
時間: 上午10時至晚上11時(L3-L4露天廣場)
上午10時至晚上8時(L5空中花園)
「法國五月美食市集」
地點:葵芳新都會廣場 (L3-L4露天廣場)
日期:2019年5月3至5日、5月10至13日、5月17至19日
時間:下午1時至晚上9時
文字:香港人.遊香港 /圖片來源:新都會廣場