位於觀塘附近有一間新開台灣餐廳，佢係台灣已經係街知巷聞，更有35年歷史，呢間老字號終於係香港開分店！
春水堂傳承了唐宋年代的茶飲文化，創意地透過「雪克器」(Shaker) 調製冷飲茶，創造出世界首杯台式「泡沫紅茶」和「珍珠奶茶」，迅即風行台灣，至今全球大受歡迎。35 年來春水堂對做茶的嚴謹態度始終如一，選用上盛的茶葉泡茶，加入台灣頂級蔗糖和純天然樹薯粉做的「珍珠」，絕不含防腐劑和香精，再由經嚴格訓練的調茶師調茶，與顧客分享美味而純淨的健康茶飲。此外，佢仲有好多唔同嘅菜式比大家選擇，值得大家試一試！
▲珍珠鐵觀音奶茶 ($34)呢個茶底唔同好似又冇原味咁甜。珍珠依然出色，細珍珠有樣好就係可以暴風式吸入，之後成日都係勁煙韌！
▲黃金香酥雞 ($48)鹽酥杏鮑菇 ($38)好香口，炸粉唔厚所以唔會脆到介口，但又keep到微脆，雞肉都炸得好，入味多汁。菇都係好juicy，炸野真係不俗。
▲滷香牛肚 ($48)除咗滷得入味之外，仲帶點酸酸地嘅醋味，特別開胃。
▲魯肉飯 ($28)個魯肉飯有啲邪惡，啲肥肉多過瘦肉，不過食落ok嘅，夠晒肥美。
▲素汁用豆類製品同菇整成，加埋芹菜、紫菜、杞子等口感更加豐富，雖然係素但一啲都唔dry，豐富過食肉。仲有麵線都好好食，幼幼地極吸汁，夏天食覺得好爽！
春水堂人文茶館
地址：觀塘觀塘道418號創紀之城五期apm一樓L1-1號舖
電話號碼：36194335
營業時間：11:30-23:00
文字來源：香港人.遊香港／圖片來源： @sa9hea