一年四日嘅復活節假期計劃好活動未呢？介紹番，上年喺PMQ舉辦過嘅The Coffee Agenda咖啡生活市集再次喺呢個假期復活。
今次PMQ原創方同本地咖啡媒體「啡聞」合作，邀請左港日台唔同嘅咖啡達人，當中包括左多位世界級冠軍咖啡達人參與，大會仲安排唔同嘅工作坊同體驗活動可以俾市民互動，認識咖啡文化!!如果鍾意飲咖啡嘅你當然唔可以錯過，當然唔係飲開咖啡嘅朋友都可以去玩下朝聖下。
小編本身好熱愛咖啡文化，我有一句格言「我唔係要攝取咖啡因而飲咖啡，我係鍾意咖啡而飲咖啡！」
▲近年Oat milk（燕麥奶)喺意式咖啡中成為一種新興潮流，瑞士品牌Oatly都有參展，而且致力推廣Oat milk,所以成為部分攤位嘅供應商。
咖啡TIPS:大部分人飲有奶咖啡都係用全脂奶，由於口感同香氣同咖啡豆最搭配。用燕麥奶相對上會比較健康，而入口會發現多一重小麥味道，幾特別。當然，口味沒有對與錯，試過先知鍾唔鍾意嘅。
▲好奇嘅小編好奇佢地個「奶」字點樣黎，所以搜尋左Oatly呢間公司時發現幾有趣，有興趣嘅朋友都可以自己上網發掘一下！:P
▲大會特邀來自日本 Trunk Coffee 嘅咖啡達人鈴木康夫（Yasuo Suzuki)參展，佢自創嘅咖啡屋濾杯「Origami」相當精美同獨特，有相當入手價值。
▲虹吸咖啡製作過程有相當嘅觀賞價值，而Accro Coffee嘅駐場咖啡師係冠軍級人馬，值得一試。
▲Black Surgar係世界級咖啡評審以愛犬「黑糖」命名而創立，柴犬加咖啡精品又真係幾得意，唔知柴柴Fans岩唔岩心水呢？
▲本地薑「夏雪」大玩港式飲料fusion啡，竹蔗茅啡究竟係涼茶定係咖啡呢？媽，好亂呀>.<
▲「咖啡體驗區」- 咖啡知識過3關(＄80） 包含咖啡杯測匙一隻 。學習手沖咖啡沖泡同品嚐。如果勝出小遊戲嘅話，可以免費喺活動附送嘅咖啡杯測匙上免費刻字添。
PMQ The Coffee Agenda咖啡生活市集
日期：2019年4月19日至4月22日
時間：12:00 – 20:00
地點：中環PMQ 元創方地面廣場
費用：免費入場
詳情： http://www.pmq.org.hk/event/pmq-coffee-agenda-2019-4-19-22/?lang=ch
圖片及文字來源：香港人遊香港