中環大排檔:【點先為之好食既乾炒牛河?最緊要炒得夠鑊氣!】- 波記

係中環食野一定好貴?都仲有好平大碟又好食既鋪頭!係中環中心附近有條小斜路有間小檔仔,得晏就食飯時間先會開。鋪頭好簡陋,無咩裝修,只係得一個鐵皮檔口加幾張圓枱,但咁樣先有地道風味。當你經過威靈頓街果陣好容易比呢間大排檔食物啲香味吸引到,三十幾蚊大大碟炒粉麵飯仲可以邊度搵到? 同埋家陣香港得番好少咁地道又有人情味既鋪頭啦!大家記得快啲試下。

▲乾炒牛河($36): 食落去唔會太過油膩,河粉唔會炒到一舊舊,炒到好乾身,  同埋牛肉唔會炒到好硬。

▲蝦醬火腩炒飯($38): 本身menu得蝦醬炒飯揀,大家可以落單果陣話想加埋火腩。炒飯一上菜果陣真係勁香,炒到啲米飯粒粒分明。炒飯份量非常多,食落唔會過咸。

▲好有香港地道風味既大排檔。

▲廚房係街邊位,可以睇到廚師點樣拋鑊大火炒粉麵飯。

波記(大排檔)

地址:中環士他花利街
電話: 25445923
營業時間: 11:30 – 14:30

文字來源:香港人.遊香港/圖片來源:香港人.遊香港、@hinchung626