旺角主題cafe:【P助與粉紅兔兔期間限定cafe! 】- Kingsley Café

山下菓子Cafe旺角分店最近又有新聯乘主題!今次係P助同粉紅兔兔,店內有多幅超萌P助與粉紅兔兔壁畫,全店都係打卡位呀!最萌都門口既大公仔係必影首選! P 助同粉紅兔兔出現係牆上、餐具及餐紙上。食物方面,主題美食包括漢堡、Cremia雪糕、梳乎厘班戟、芭菲等都換上超可愛造型,部分⻝品仲附送 P 助與粉紅兔兔餐具,認真萌爆!5月份佢地更邀請了P助與粉紅兔兔來港舉行見面會!

▲今次佈置都係好多P助同粉紅兔兔,門口呢個打卡位唔好錯過!

▲迎合復活節既歡欣feel,圖案都十分粉嫩!

▲復活節SET包括動物百寶盒 、粉紅卡邦尼意粉同兩個甜品同飲品!

▲動物百寶盒 ($168)盒內配上餐前小吃、沙律及燒雞,十足十兒童餐咁!食完百寶盒仲可以帶回家收藏!粉紅卡邦尼意粉影相打卡一流!

▲P 助與粉紅兔兔粉紅卡邦尼意粉 ($88)係少女最愛既粉紅色!顏色同粉紅兔兔一樣!

▲小動物動力輕⻝餐連粉紅兔兔粟米粒 (附送杯) 岩哂小朋友!包含小吃、沙律及輕量意粉,食完粉紅兔兔杯裝粟米,仲可以帶埋個杯返屋企!

▲蛋包飯上的 P 助配咖哩吉列豬扒 $108

▲P助與粉紅兔兔士多啤梨窩夫 ($88)窩夫係即叫即製,配上香甜新鮮士多啤梨,造型滿分!

▲粉紅兔兔迷你鮮果卷連P助Cremia雪糕杯 ($88)日本直送Cremia雪糕真係又邪惡又吸引!

▲梳乎厘pancake,空氣感十足!

▲熱飲附送咖啡杯

▲凍飲即送可愛牛奶樽

獨家限量精品

▲陶瓷碟($100)、帆布袋連毛絨零錢包 ($170)、雙層玻璃水瓶($100)、環保飲管套裝($80)

P 助與粉紅兔兔 X 山下菓子期間限定@Kingsley Café

地址:旺角彌敦道700號T.O.P商場3樓315號舖

圖片及文字來源:香港人遊香港