中環特色飲料店:【不要對我尖叫!由台灣藝人丫頭主理的台式飲料店】-不要對我尖叫{,日常茶間,}

小編早排行過中環擺花街,發現唔少人手上都拎住杯印有醜美風圖案同語錄既茶飲邊行邊打卡,原來佢地手上拎住既係不要對我尖叫{,日常茶間,}既野飲。「不要對我尖叫」係由台灣藝人丫頭聯同兩位品牌創辦人係上年創立既台式飲料店,雖然店鋪冇賣到香港人大愛既珍珠奶茶,但每日都可以賣到過千杯飲料。之所以依間茶飲店咁受歡迎,係因為佢地特別請左台中有四十年歷史的老茶莊調制配方,堅用真材實料為客人調制一杯飲完會感到滿意既茶飲。除左老茶莊配方外,「不要對我尖叫」仲主打芋圓、爆漿珍珠同白玉珍珠等唔同既配料比客人自行調配,例如可以將唔同既配料加入菊花茶、水果茶同鮮奶茶。今次係中環擺花街開設既分店仲係「不要對我尖叫」既首間海外專賣店,可見香港人都對台式茶飲情有獨鍾!

▲ 杯上印有「不要對我尖叫」既招牌logo ,十分趣怪!

▲「喜好真誠,討厭諂媚,但的不說」是他們店鋪原創的金句,非常之有特色!

▲冬瓜菊花茶配白玉珍珠 ($24):菊花茶飲落好清甜,茶味香醇,白玉珍珠咬落幾煙韌!

▲ 金桔桂花氣泡飲配地瓜芋圓 ($32):金桔味重,氣泡水同桂花攪勻後幾夾,消暑一流!

不要對我尖叫{,日常茶間,}

地址:香港中環擺花街23號
電話:35906936
營業時間:11:30 – 23:00

文字來源:香港人.遊香港/圖片來源:@awwmazzzing、@lawwonb、@thesoundofeating