銅鑼灣日式鐵板燒:【慶祝紀念日生日必食好西!霸氣得體廚師發辦鐵板燒!】- UKIYO世

係銅鑼灣,要搵個地方坐得舒服而食得有霸氣,通常都係煩惱緊去邊慶祝生日呀,紀念日咁!小編推薦呢個日式鐵板燒唔重油煙,食物高質,而且師傅仲會係你面前煮黎食,而且佢地每一道菜都係以一口可能岩你要求!呢個全新推出既廚師發辦Set一共有9道菜,牛魔一定同小編一樣至like佢地A5和牛牛柳同牛肉鵝肝漢堡,鐘意食海鮮就唔好錯過佢地活龍蝦配海膽汁同西班牙紅蝦意粉喇!

▲先以日本直送既新鮮油甘魚同帆立貝作始,掀開美味晚餐既序幕。

▲北海道海膽多士,師傅於鐵板將切好一塊塊既麵包煎香成多士,再加入鮮味甘香既頂級海膽,配以魚子醬、金箔同花瓣,淨係打卡都呃到唔少like!

▲新式日式鐵板燒注重師傅同客人既互動,師傅亦會係你面前施展廚藝。

▲黑鮑魚配海帶汁,之後每一道菜都會配合適汁。新鮮既黑鮑魚非常嫩滑,一d都唔un,加上廚師用清酒、木魚汁同海帶調配既海帶汁確係一流!

▲甘鯛魚配南瓜汁,鯛魚煮之前要做按摩,咁樣食落會更入味!

▲調好味後師傅先係鐵板將鯛魚煎至半熟,魚鱗就會炸至脆片,加上香甜南瓜汁更顯魚肉甘香鮮味。

▲活龍蝦配海膽汁,以北海道海膽整成忌廉汁,將鮮活既龍蝦層次再提升,每一啖既鮮味都係味蕾爆發。

▲特選日本宮崎A5和牛牛柳,擁有完美既油花比例,鮮紅既牛肉顏色已經相當吸引

▲小編以為今次呢個特選日本宮崎A5和牛牛柳會好溜,原來牛柳會切成粒狀比大家品嚐,食法都有所講究

▲特選日本宮崎A5和牛牛柳師傅提議先放一片炸蒜片牛柳粒既表面,再加入山葵,按個人喜好點岩鹽或鹽漬是昆布,點食都係一流既享受!

▲西班牙紅蝦意粉,西班牙紅蝦肉質鮮味可口,師傅烹調時將蝦頭加入蕃茄煮成美味既醬汁

▲醬汁掛係意粉之上,咀嚼紅蝦肉濃郁海鮮既感覺完全爆發。

▲不過講到小編最深刻,都係佢地既驚喜菜式-手打牛肉鵝肝漢堡,令本來唔鐘意食麵包既我都成個鯨吞!手打牛肉牛味濃郁,油脂將鵝肝既油份再之逼出,兩者夾埋一齊食真係好邪惡!

UKIYO世

地址:銅鑼灣霎東街15-21號OLIV 18樓
電話:21528880
營業時間:12:00 – 15:00/18:00 – 23:00

圖片及文字來源:香港人遊香港