尖沙咀三文治pop-up:【人氣歌謠三文治旋風登陸尖沙咀!】- 人氣歌謠三文治

韓國SBS《人氣歌謠》除左睇紅人歌手上場表演之外,另一熱話相信一定係佢地三文治,之前去到台北做pop up大受歡迎後,下一站居然黎到香港?!《人氣歌謠》三文治源自小賣部阿朱媽為左令電視台工作人員有健康營養既三明治食,精心製作,餡料豐富又厚實,唔怪得連韓團 BTS、SEVENTEEN、B1A4、MXM、TWICE都大愛!更有人話係死前一定要食既美食!《人氣歌謠》三文治秘密就在於佢採用左韓國士多啤梨果醬、蟹柳蛋沙律,再加入高麗菜蘿蔔沙律同韓國蛋黃醬,聽見都留口水呀!Pop up store 係2019年4 月 22 至 30 日會係LCX度舉行,之後就會轉戰朗豪坊,到時大家韓粉一定要去打卡!

▲《人氣歌謠》三文治($35/件)餡料有雞蛋蟹肉沙律加上韓國直送草莓醬,另一層就係高麗菜沙律,口感濕潤,甜鹹交錯都幾夾!

▲鬆軟既方包夾住雞蛋、薯仔、沙津醬、甘筍、椰菜、士多啤利果醬等食材,好有營養大滿足!

▲第一層係蟹柳蛋沙律+韓國直送蛋黃醬;第二層係韓國直送士多啤梨醬;第三層:高麗菜蘿蔔沙律+韓國直送蛋黃醬,餡料份量十足同韓國店一樣,拆左包裝d餡就爆出黎,所要打完卡就要快食!

▲四件套餐優惠:$125(原價$140)/ 韓國香蕉豆奶:每盒$8

▲香港期間限定店與韓國一樣,堅以人手即場新鮮製作!每人限購四件三明治或一份套餐。優惠套餐可以用$125買四件人氣歌謠三明治。

人氣歌謠三明治 Pop-up Store

地點:尖沙咀 LCX 三樓
限定日期:2019年4 月 22 至 30 日
時間:中午 12 時至 9 時

圖片及文字來源:香港人遊香港 / @yunwen.chen、@huang.ping_