韓國賞櫻攻略:【又有櫻花睇!2019首爾野餐賞櫻準備+零食+地點】

一年一度賞櫻既季節又黎啦!係韓國睇櫻花又點少得韓妹最鐘意既野餐?其實唔一定去到郊區先有櫻花睇,近近地係番首爾市內一樣咁有氣氛!今次黎教大家係首爾市內賞櫻兼野餐,有咩要準備?去邊度賞櫻最好?

野餐前準備一:櫻花野餐墊

▲去野餐當然要有張似樣既野餐墊,韓國Daiso就有櫻花野餐墊賣,HKD35左右就有交易 (5000won)

▲粉紅系既櫻花墊方便又容易帶,野餐必備!

野餐前準備二:櫻花餐具用品

▲去賞櫻,櫻花紙杯紙碟、餐具、餐巾等等都一樣唔少得

野餐前準備三:櫻花系零食

▲一到左櫻花季,各大零食品牌都會爭相推出櫻花系既零食,櫻花薯片、櫻花餅乾、櫻花朱古力等等

▲今年新出既櫻花軟糖、櫻花餅,味道都唔錯架

野餐前準備四:櫻花系飲品

▲有零食又點少得飲品,係櫻花樹下歎櫻花汽水,唔知會唔會特別好飲呢

▲韓國달달데이呢個牌子仲推出埋櫻花燒酒,半透明既燒杯帶有淡淡甜味,比較易入口

野餐賞櫻地點

萬事準備好,就差在係櫻花開期間搵岩賞櫻地點,其實唔洗去到鎮海等等咁遠既地方,首爾市內都有唔少隱世地方可以邊野餐邊睇到櫻花。

野餐賞櫻地點一:首爾林

佔地35萬坪既首爾林保留左唔少自然生態環境,亦有唔少櫻花樹,尤其係中間既大廣場就有幾棵巨大既櫻花樹,四月櫻花季節時,形成長長既櫻花步道。

▲首爾林面積甚大,隨便都可以搵到可以野餐賞櫻既地方

▲兩排既櫻花樹又多又密,識影一定係行上橋面打卡

首爾林

地址:서울특별시 성동구 뚝섬로 273(首爾市城東區纛島路 273)
交通:地鐵「首爾林」站 3 號出口

野餐賞櫻地點二:首爾兒童大公園

兒童大公園有好多古典精緻既建築,韓國人好鐘意黎呢度散步野餐,櫻花都開得好多好密,絕對係賞櫻秘景。

▲兒童大公園佔地甚大,就算係賞櫻旺季,都唔會太迫,可以隨意席地野餐

▲櫻花樹又多又密,甚有氣氛

首爾大兒童公園

地址:서울특별시 광진구 능동로 216 (首爾市廣津區陵洞路 216)
交通:首爾地鐵「兒童大公園站」1號出口

石村湖公園

石村湖擁有環湖步道,湖畔都開滿晒櫻花,由於交通方便又鄰近樂天世界,所以係唔少人係首爾市內既賞櫻首選。

▲由於步道環湖而成,邊賞櫻仲可以邊欣賞到湖景添

▲野餐結束後可以圍住湖畔行一圈欣賞唔同角度既櫻花,可以沿路行到去樂天世界

石村湖

地址:서울특별시 송파구 잠실로 148(首爾市松坡區蠶室路 148)
交通:首爾地鐵「蠶室店」1號出口

文字:圖片來源:香港人遊香港