上環健康輕食店:【勁有heart本地健康輕食!快食都可以好健康!】- 12NOON

夏天就快到啦!係時候開始修下身迎接泳裝熱褲!要keep fit唔一定要食得寡,好似呢間在上環新開業不久的「健康快餐」,食材新鮮健康但味道一流,可以選擇最清怡的果汁及特式沙律,又或者可以選擇較香口惹味的低卡杯麵或素菜塊,同樣健康美味,價格亦相對較被香港人接受。而且每款食物及飲品都附有卡路里計算,讓注重健康的你更放心!

▲所有食物包括新鮮即製杯麵、三文治、沙律、西湯、冷壓果汁至無糖甜品,均由品牌自家中央廚房每天新鮮製作,滋味又有營!小編親身吃過,食物溫度適中,就算係冷食如沙律、三文治都不會太凍口,讚!

▲正到爆的即做杯麵!($45)小編選了用日本麵豉湯製作的Miso Noon,用了多樣材料製作如味噌醬、海藻、豆腐、嗚門卷、香菇、豆芽、蘿蔔、香菜、木魚花、 蔥、清雞湯,口感層次豐富但不過咸,吃後唔會打爛水缸!而且麵條用的是紅薯粉條(不含複合澱粉質,營養高又不長胖)口感像港式瀨粉,爽口滿足!

相關素食文章:
中環自助餐:【中環抵食印度菜午市自助餐!多款素食選擇!】-Jashan Celebrating Indian Cuisine
【新派韓式素食半自助餐!必食DIY部隊鍋紫菜拌飯! 】
【口碑極高! #純素 網上蛋糕店】

▲素菜塊 ($25)材料包括椰菜花、西蘭花、紅蘿蔔、洋蔥等,香口惹味!而且價錢贏哂!細食女生一份素菜塊加一杯果汁/咖啡都已經夠飽!

▲Energy Bites能量球 ($25)花生醬、燕麥片、亞麻籽、巧克力片、蜜糖。Office小食唔一定邪惡嘅!這款能量小食又飽肚、健康又美味!(研究顯示亞麻籽有助體重控制架!)

▲12NOON另一主打是冷壓果汁,仲有排毒果汁套餐組合。

12NOON 上環店

地址:中環德輔道中173號南豐大廈地下G7號舖
營業時間:星期一至星期五 早上十時至晚上八時半/星期六、日及公眾假期 早上十一時至晚上八時
電話:2890 9848

12NOON 灣仔店

地址:灣仔皇后大道東183號合和中心3樓310B舖
營業時間:星期一至星期五 早上十時至晚上八時半/星期六及公眾假期 早上十一時至晚上八時
電話:2819 8279

圖片及文字來源:香港人遊香港 / @vegchannel.online