仲有桌球打! 呢間英倫風餐廳雖然位於赤柱大街仲有海景望但價錢親民。當中的爆漿芝心牛肉漢堡非常吸睛,芝士從漢堡中間好似瀑布咁爆出黎,每一啖都有濃濃芝士。另一週末限定限量的龍蝦批,未食都已經被個賣相吸引,放上整個龍蝦頭和啖啖肉蟹鉗做裝飾,真係每一啖都有龍蝦肉呀。另外店內仲有桌球打,可以一邊飲飲食食一邊吹水篤波。
爆漿芝士漢堡+限定限量大大隻龍蝦肉批
▲爆漿芝心牛肉漢堡($153): 在上層麵包中間中空,倒入大量芝士醬汁令其爆滿流出芝士。每一啖都有濃濃芝士味但又不會蓋過牛肉味。
▲炸軟殼蟹牛油果漢堡($142) :將芝士脆條打碎混入炸漿粉和炸軟殼一同炸,令軟殼蟹入口更脆口。
▲大廚龍蝦批($198) :週末限定限量,用上波士頓龍蝦再加入芝士蘑菇、大蒜燴成幼滑醬汁,鋪滿椰菜薯蓉及芝士後烤焗。每一啖都食到龍蝦肉。
▲蟹肉番茄芝士通粉($168) :以蟹肉、乾番茄粒、芝士加番茄醬一同焗。味道帶微酸,可中和芝士肥膩感,好開胃。
▲虎蝦龍蝦汁芝士通粉($168) ;虎蝦肉質爽彈,每隻虎蝦和每粒通粉都沾上了龍蝦汁和芝士。
▲蒜香龍蝦汁焗蟹肉($238/3款小食) :蟹肉加上龍蝦汁味道更豐富,入口有濃濃龍蝦、蟹味。再配合多士一同食層次再提升。
▲墨西哥粟米片拼盤($238/3款小食) :有焗辣牛肉芝士醬、莎莎醬、酸忌廉及牛油果醬。粟米片沾上滿滿醬汁,非常邪惡。
▲水牛城辣醬烤雞翼($238/3款小食) :水牛城辣度適中,雞翼飽滿。
▲煎虎蝦配辣肉腸燴白豆($238/3款小食): 虎蝦夠大隻,肉質爽彈。
▲烤八爪魚配薯仔($238/3款小食) :八爪魚夠薄切,煙煙韌韌。
▲有桌球枱可以一邊飲一邊食一邊吹水篤波,夠晒輕鬆。
Pickled Pelican
地址:香港赤柱大街 90 號
電話:2813 4313
文字/圖片來源:香港人遊香港