fbpx
香港人遊香港

旺角主題cafe:【足球主題!必食芝士流心玉子大啡菇+黑毛豬!】-Lockeroom Dining

足球主題cafe!必食芝士流心玉子大啡菇+黑毛豬!

朗豪坊隔離呢棟大廈位置方便,係小編同友人睇戲前既飯堂,睇戲前趕時間會食譚仔,唔趕既話會睇下有咩其它好食。最近發現有新餐廳wor,於是與友人一齊試下。一上到去發現呢間餐廳老闆,應該係足球迷黎既,佢展示左唔少珍藏既足球紀念品同簽名球衣,好特別下!佢地咸蛋薯角係滿滿咸蛋醬包住,食落咸香撲鼻,芝士流心玉子大啡菇更係驚喜之作,大啡菇上會墊一層清新既羽衣甘藍,再放流心蛋同芝士,羽衣甘藍完全打消芝士膩感!不得不試係佢地黑毛豬,烤過既黑毛豬肉質鮮嫩無比,完全唔覺豬羶味!


▲店鋪掛上幾件簽名球衣,相信都令一眾球迷著迷!


▲店內另一邊既主題牆貼滿左球星既閃卡!
———————————————————————————————
相關主題cafe文章:
【油麻地酒店文青森系cafe】牛油果忌廉蟹肉扁意粉+慢煮西班牙黑毛豬串燒
【荃灣工廈半海景cafe!西班牙黑毛豬勁高汁!】
【西環無敵海景cafe!浪漫飲野睇日落!】
———————————————————————————————


▲全店唯一既King & Queen寶座最岩情侶黎!


▲咸蛋薯角($35)豐滿既粗薯角有一層金黃色咸蛋醬包住,食落感覺口感起沙,咸香撲鼻而來。


▲蟹肉芒果牛油果沙律($65),以酒杯裝載住既沙律層次分明,分別係最底層既酸酸甜甜既芒果果肉、口感滑溜牛油果、再來一層絲絲蟹肉,最上層加以車厘茄點綴,仲會有芒果爆爆珠!


▲呢度將經典既凱撒沙律($55)放入玻璃瓶內,由客人將香脆法式麵包粒、芝士粉、煙肉粒同凱撒沙律醬倒入,再shake 下佢!


▲芝士流心玉子大啡菇($55)聽個名以為好溜有d卻步,點知啡菇同流心蛋之間墊左層羽衣甘藍,成件事fresh左,一切開流心蛋黃澄澄既蛋汁除之湧出,面層仲鋪左芝士!


▲輪到小編好期待既主菜喇!香烤西班牙頂級黑毛梅頭豬肉($165)烤過既黑毛豬依然肉質鮮嫩 , 色澤同味道都褂常吸引,唯一美中不足就係黑毛豬有點過熟。配菜有顏色奪目既紫薯蓉、烤蔔茄同羽衣甘藍。


▲紐西蘭羊架雲寶蘇($145)將麵包糠、百里香等調味料製成寶雲酥,焗完之後非常香口,羊架口感温和細膩,唔算好羶。


▲燒春雞,燒完之後唔會好燶,色澤誘人,雖然外層唔係酥脆感十足,不過就盡見雞皮油潤,肉質嫩滑,一切開肉汁湧出黎!


▲心太軟配雪糕($65),今日廚師用了芒果口味雪糕,小編覺得都係雲呢拿味夾d,好在配有雲呢拿汁,心太軟唔算好流心,朱古力蛋糕都算濕潤香濃。


▲法式焦糖燉蛋($45)表面焦糖脆脆一層好crispy,燉蛋香濃嫩滑!

Lockeroom Dining

地址:旺角砵蘭街215號朗晴坊8樓
電話:52700008

文字/圖片來源:香港人.遊香港

Tagged with:     ,

Follow us

合作查詢

歡迎與我們聯絡, 查詢合作