日式壽司店:【櫻花季節時令櫻鯛+北海道肥美生蠔!】-千両

櫻花季節時令櫻鯛+北海道肥美生蠔!

呢間連鎖日式食店又有新menu喇,係日本春天絕對係櫻花既季節,香港櫻花欠奉,以櫻花入饌再加以幻想,都係個唔想既體驗!今次新menu以時令既櫻鯛同北海道肥美生蠔做主打,其中櫻鯛顏色如櫻花般粉嫩,肉質鮮美,口感濃郁;生蠔使用北海道及關西兵庫縣,口感爽滑富有彈性!廚師以唔同烹調方式令食客食到原始鮮味,今次仲加入日本最出名既和果子,食飽左仲可以sweet住走!

相關文章:
【隱世中鋪中鋪工業風咖啡店!金箔片Affogato 配搭中的搭配】
銅鑼灣咖啡店:【本土品牌咖啡旗艦店!限定芝士焗龍蝦套餐份量十足!】- Crostini Bakery & Cafe
【西灣河街坊咖啡小店!30幾款咖啡+homemade蛋糕!】

▲櫻鯛刺身薄切 ($138/份) 有句說話叫「花中櫻為王,魚中鯛為尊」,春季櫻花盛開季節,櫻鯛肉質油脂最豐富,顏色似櫻花一樣嬌豔!每件刺身更配上酸汁啫喱,中和櫻鯛油膩

▲櫻鯛壽司三點盛 ($68/份) – 櫻鯛壽司配鹽漬櫻花、櫻鯛壽司配酸汁啫喱、灸燒櫻鯛壽司

▲櫻鯛沙律(配日向夏柑橘沙律汁) ($98/份) 清新既櫻鯛配上西式沙律菜、蕃茄仔。加上日向夏柑橘所製成醬汁,酸甜醒胃!

▲日本縣生蠔三點盛 ($158/3件; $308/6件)特意搜羅北海道及兵庫縣鮮蠔,呢隻生蠔唔會好似法國、澳洲呢d咁重金屬同海水味,鮮蠔鮮甜肉厚,入口細嫩幼滑。

▲燒蠔配海膽醬 ($128/份) 焗蠔同海膽交織出的獨有鮮味,唔係好溜!

▲蠔豆乳鍋 ($158/份) 千両既豆乳鍋不嬲都好正,豆乳製成湯底加埋蠔及新鮮爽甜蔬菜,3-4人share 食都好飽!

▲水信玄餅配櫻花醬 ($35/份) 水信玄餅晶瑩剔透,加入櫻花醬 ,感覺超夢幻浪漫!

▲櫻花甜品盛合 ($42/份) 櫻花大福同粒粒甜蜜紅豆融合,嫩綠紫蘇葉包裹著同樣令人垂涎三尺紅豆餡,粉紅色櫻衣卻像含苞待放櫻花咁!

千両春之餐目

限定日期:2019年3月14日至2019年5月上旬
地點:千両全線分店

圖片及文字來源:香港人.遊香港