【隱世中鋪中鋪工業風咖啡店!金箔片Affogato 配搭中的搭配】

最近行開旺角,發現有間賣手作皮具嘅精品店入面隱藏左一間行簡約工業風既Cafe。雖然兩間鋪係獨立經營,但整體上咖啡店嘅裝修風格以至細節中嘅餐具同陳設同前鋪都絕無違和感。每一間精品咖啡店都會有自己風格同特色,要創造獨有嘅未必係最困難,但要夾到其他細節而不失個性就一啲都唔易。呢間coffeeshop就做到喇!

嘆咖啡唔單止飲好飲嘅咖啡,應該好好留意下咖啡店嘅細節,有時都幾有驚喜㗎!

▲以木色同黑白灰金為主調。嘆一杯令人開心嘅咖啡畢竟都係環境先決嘅。

▲牆上簡約嘅餐牌。唔洗擔心,你想飲嘅咖啡師都願意為客人沖(睇落去就會明白:P)

▲小編一向鍾情飲Single origin嘅風味,所以每次去試新開咖啡店都會先飲手沖,而且佢地用嘅咖啡豆係自家烘焙添。小編習慣先問一下咖啡師嘅推介,佢介紹左一款帶有花生醬口味嘅玻利維亞咖啡豆。

▲望著每杯手沖咖啡嘅泡製過程都係一種享受。

▲當然唔少得必定要試嘅金箔Affogato($46),特別在Espresso基底有兩款選擇,同一件事可以搭配出唔同變化。

▲影完相先將Espresso淋上雪糕面,小編覺得呢間咖啡店好細心咁考慮每一個細節,柱型雪糕同玻璃杯嘅形狀非常搭配。

▲咖啡師亦可以提供「不在餐牌」嘅意式咖啡選擇。小編點左杯「Dirty」,即係Espresso加上凍奶,喺無攪拌嘅情況下飲,可以飲到啡同奶冷熱層次中嘅味道,小編建議用偏酸嘅Espresso基底。

▲Piccolo ($)即迷你版Latte,適合想輕嘗咖啡嘅客人。

▲最特別嘅地方係咖啡店同一位本地藝術家@keochow合作,客人可以自由定價,買走Keo嘅插畫。

Coffeezine

地址:旺角廣華街1號仁安大廈地下5A號舖
營業時間:星期一至星期日 1200-2000