【春日閨蜜之約定!tea set今次Berries做主角!】

天氣開始變得潮濕溫暖,係時候約閨蜜們Tea下喇!呢間南區既酒店最新推出左各種berries做主題既tea set,以多款酸甜多汁莓果入饌,加入藍莓、紅莓、紅桑子,炮製4款鹹點及6款甜點「莓之盛放」tea set比大家品嚐,款款都賣相精緻,食落口味清爽!莓果類更含有豐富營養同抗氧化成份,真係食左有寶架!

▲完左一星期既繁忙工作當然要約下朋友Tea下盡訴心中情啦,數碼港呢間酒店遠離市區,令你有重回大自然擁抱之感。淨係見到外表色彩繽紛下午茶,心情已經變得大好!

▲6款主題甜點包括法式草莓蛋糕、紅桑子朱古力撻、藍莓法式泡芙、熱情果蛋白脆餅、英式忌廉杯、新鮮雜莓杯。

▲藍莓法式泡芙賣相精緻,推有濃濃浪漫法式氣息

▲英式忌廉杯面層鋪滿滿滿白朱古力cream,加上紅桑子mousse 及木糠,都幾特別。

▲熱情果蛋白脆,蛋白脆餅主要材料為蛋白與糖,甜甜的蛋白脆餅最適合搭配微酸的水果。配上色彩鮮艷的水果及酸甜的熱情果醬,外型十分典雅。

▲紅桑子朱古力,味道酸酸甜甜帶出豐富味覺享受。

▲羊奶芝士泡芙配藍莓醬,羊奶芝士香而帶微微羊羶味,配果味十足既藍莓醬

▲新鮮雜莓杯

▲雜莓汁醃鮮蝦沙律,廚師先使用桑葚、紅桑子汁等醃製鮮蝦,酸甜味非常醒胃。加上含豐富維他命E及高營養價值牛油果、生菜及麵包條,口感清新。

▲法式鵝肝凍批配香辣紅桑子茸,散發著淡淡煙熏味的鵝肝凍批配上帶點酸辣的紅桑子茸,十分解膩。

莓之盛放下午茶@數碼港艾美酒店

地址:香港數碼港道100號數碼港艾美酒店
價錢:$398+10%服務費 (2 位用)
限定日期:供應期由 2 月 1 日至 3 月 31 日
電話: 2980 7417

文字來源:香港人.遊香港/圖片來源:數碼港艾美酒店