【聾貓新春空降灣仔水產市場!賀年刺身飯+勁本土pop-up+聾貓free hug】

農曆新年呢啲咁傳統嘅節日,灣仔築地就同本地插畫師小克合作,帶黎聾貓賀新春!一如以往有聾貓裝飾同靚靚打卡位,4款聾貓賀年主題美食都好吸引,聾貓樣既極上魚生飯真係萌爆,有成10款刺身!迷你聾貓叉燒烏冬既流心蛋印有聾貓公仔,一口聾貓漢堡又得意又好味,食完就一定過隔離食埋大大杯既聾貓雪糕筒,有牛奶味同宇治抹茶牛或者扭紋款,2個人share就岩岩好喇!另外今次主題商品都非常吸引,小編覺得聾蝦蟹最岩新年拜年一齊玩喇!順帶一提,呢度情人節都會有特別安排架,聾貓會現身同打卡,同埋會有特別版既聾貓極上魚生飯架!

▲灣仔築地又轉promotion!以聾貓得意形象同大家賀年!

▲聾貓形象百變!

▲聾貓極上魚生飯($338)聾貓成座山咁坐係到!計埋下面d角切刺身,都有成10款咁多!其中以海膽、三文魚籽和吞拿魚鋪面,取材新鮮!

▲迷你聾貓叉燒烏冬($78)溫泉蛋有聾貓圖案,真係唔捨得食呀!不過小編特別欣賞自家製鹿兒島茶美豚叉燒,同麵豉湯烏冬真係好正!

▲一口聾貓漢堡 ($148)漢堡有兩款分別係煙三文魚帆立貝漢堡及芝士牛肉漢堡,漢堡以多士烘有聾貓圖案!配有清新既田園野菜沙律清清味蕾。

▲Via Tokyo 聾貓雪糕筒(牛奶味 $47 / 宇治抹茶牛奶味 $49 / 宇治抹茶味 $49)牛奶雪糕密度好高,質地較硬身,特別之處係橙味迷你聾貓曲奇

▲場內仲設有1米高聾貓、咇咇毛公仔比大家free hug!

▲「聾山貴竹賀新年」必影打卡位

▲聾山貴竹賀新年 限定商品-聾蝦蟹:玩法同魚蝦蟹一樣,夠哂本土呀!

▲招財聾貓公仔 連盒 (黑色)(零售價: $148 換購價: $128)黑金色聾貓原來有辟邪消災功效!

▲招財聾貓公仔咕臣

▲聾吉都好得意!

▲賀年車掛吊飾

▲除左賀年主題之外,都仲有其他聾貓商品架!

築地山貴水產 x 聾貓 「聾山貴竹賀新年」

日期:2019年1月29日至2019年3月4日
時間:中午12時–晚上10時30分
地點:灣仔灣仔碼頭2樓築地山貴水產

聾貓將會於以下日子現身與粉絲拍照

日期:2019年2月2日 (星期六)
時間:下午2時–2時30分及下午3時–3時30分
日期:2019年2月14日 (星期四)
時間:晚上7時–7時30分及晚上8時30分–9時

文字/圖片來源: 香港人.遊香港