【太子誠意小食店!必食黑糖麥芽雞翼+三色粗薯!】

小編有朋友係太子返工,佢放工必黎呢度整返份雞翼先安樂!店主好有心機咁將雞翼剪成單骨,而且選用雞翼都幾大隻,必食既黑糖麥芽口味以黑糖醬及麥芽細火慢煮,雞翼炸熟左之後完全吸收哂佢d精華!另一款招牌三色炸薯勁厚切,薯仔、番薯、紫薯切條加流沙鹹蛋醬咸香十足,值得一試,唔夠飽就要試埋佢地手工麵,手工麵係佢地新鮮打做,係飽肚之選呀!

▲太子呢間小食店開業半年,佢地一直堅持使用新鮮食材,每日開店前都去街市挑選薯仔、番薯、紫薯。

黑糖麥芽汁單骨雞翼($30/8件;$38/12件)單骨雞翼即叩即炸,再用黑糖麥芽汁慢火細煮雞翼

黑糖麥芽汁單骨雞翼($30/8件;$38/12件)每件雞翼都掛滿黑糖麥芽汁,咬入雞翼肉內滲透入口腔。

黑松露忌廉單骨雞翼($32/8件;$40/12件)黑松露忌廉芝士雞翼掛汁一樣惹味!

三色炸薯($28)三款醬汁選擇有蟹皇、咸蛋、黑松露,薯仔、番薯、紫薯好厚切,薯仔內裡淋身,蕃薯同紫薯厚實濕潤

▲手工麵(兩餸:$28/三餸:$35)小編係度等左咁耐,都有幾個人order 佢地手工麵,湯底有龍蝦湯底、鮮雜菌湯底、蟹皇海鮮湯底或柴魚鮮魚湯底。手工麵就有原味、黑麥味、紫薯味、青汁味同南瓜味。小編揀左紫薯手工麵,又美味又創新,影相吸睛!

咕嚕咕嚕 

地址:旺角太子道西102號地下A3號舖
電話:28890630/65573560
營業時間:12:00 – 00:00

文字/圖片來源: 香港人.遊香港