【AP鴨主題期間限定Cafe!】

仲記唔記得AP鴨呢個咁得意既Sanrio鴨仔角色?原來佢係Sanrio人物大賞2018香港區冠軍,原來仲有好多人記得佢!旺角呢間cafe今次同佢搞聯乘,形成⼩型博物館pop up,Café內有展覽位置、⽤餐區、精品區及漫畫區,今次展覽區屆時展出設計師伊藤康二多年來親筆手稿及多款珍藏品,cafe更設計左幾款AP鴨主題餐點,係fans真係唔好錯過!

▲展覽區屆時展出設計師伊藤康二多年來的親筆手稿及多款珍藏品!

▲Ahiru No Pekkle明太子雞翼配薯條 ($59)明太子雞翼已事先去骨,鹹香明太子釀入雞翼中,味道搭配得宜!加上經典鐵筒薯條,粉絲們定必愛上。

▲Ahiru No Pekkle 北海道豚肉腸咖喱蛋飯 ($129)使用日本直送蛋味香濃雞蛋,加埋配日式咖喱汁,重點係咖喱蛋包飯AP鴨個樣造型!

▲厚切日本叉燒烏冬配 AhiruNo Pekkle 牛奶樽飲品($139)相信呢個組合一定深得小朋友愛好!日本直送的叉燒配上烏冬,個造型牛奶樽食完仲可以拎走!

▲Ahiru No Pekkle 漢堡配薯條系列 ($89-$109)喜歡輕盈一點可選擇漢堡系列,當中有雜菜薯餅、明太子等的選擇

▲日本千層蛋糕連Pitchi 果凍 $69 以優質奶油製成忌廉配上薄薄的餅皮,一層層製作而成的千層蛋糕,口感層次特別。

▲Ahiru No Pekkle 白桃流心蛋糕$99流心蛋糕口感軟滑帶有啖啖白桃香味,以白桃果蓉製成流心餡料。

Kingsley Café

地址:旺角彌敦道700號T.O.P商場3樓315號舖

文字/ 圖片來源:香港人.遊香港