【高階行山路線:張張相影出黎都係明信片!西灣長咀無敵海景線!】

[駐場博客小牛牛快樂行山郊遊相集by Chan Keung] 今次小編好早起身,因為要預多啲時間,打算太陽落山前到終點,加上起步點予西灣亭,必須要留意專線巴士班次。到達西灣亭整理裝備立即起步,先走一段馬路,可以沿途欣賞萬宜水庫美景,到達吹筒坳,接上麥徑2段,一路落到第一站西灣,呢度風景開掦,又有靚靚沙灘,無敵海景,手機拍過不停呢! 繼續沿麥徑2起步,經過四叠潭,走過一段山徑, 到達鹹田灣,嘩! 另一個靚靚海灣,見到有幾位人仕𣈱泳,小編真係好想跳入海水中涼快一吓呢! 下次一定要帶埋泳褲先,影完相又繼續上路,又到達另一個靚靚沙灘~大灣,真係一個靚過一個,大灣更比頭幾個沙灘更長更濶,更自然呢! 打卡後上路,又到達最後一個沙灘~東灣,呢個沙灘仲有一個内灣,由於有條山澗流入東灣背後,所以形成咗一個小湖泊, 配合光線折射,好似一面巨形鏡子,小編稱佢為~天空之鏡。另外東灣近沙灘兩則,旁邊岩石被海水長期侵蝕,形成色彩繽紛嘅圖案,相當搶眼, 可是時間唔容許小編再逗留了,要立即起步,正式進入長咀徑,行行重行行,山徑唔難行,上落坡幅唔大,沿岸風景開掦非常美麗,邊行邊拍,繞過東灣山山腳,好快就開始進入長咀範圍,可惜經過長途跋涉,小編雙腿開始有啲力不從心,加上太陽準備落山,唯有立即折返。今次打算經赤徑返北潭凹走。由於腳板劇痛,需要慢速前進,捱到6點幾,天色陰暗,摸黑返回北潭凹時見到有好多螢火蟲飛舞,綠色微光一條一條在空中閃爍,真係好靚,小編把手機關掉,更覺耀眼,所有疲勞,痛楚都一掃而空,估唔倒臨尾仲有個bonus!

▲由西灣亭起步經過萬宜水庫

▲東灣有ㄧ個小湖泊光線折射下出現優美倒影有如天空之鏡-

▲鹹田灣風景秀麗

▲部分山徑比較貧瘠,前往時必須小心跣腳

▲香港最東端地點大浪咀

▲大灣是ㄧ個長長的美麗沙灘

▲東灣旁邊是岩石群經過海水長期侵蝕, 呈現色彩幻化的岩石紋

▲又越過高山又越過谷

▲左手面最遠處就是長咀終點在望

▲西貢海灣ㄧ帶水清沙幼是行山露營郊遊聖地

▲東灣背後有一條石澗供應水源流向東灣背後地形有小許凹陷形成一個小湖泊

▲前往長咀路程比較遙遠必須要有充沛體力食水和乾糧.

▲進入長咀徑途中會經過東灣山山邊

▲東灣倒影又被稱為天空之鏡

▲大浪村山頭背後呈現黄金山嶺

▲沙灘的足印

▲部分路段需手腳並用攀爬

▲遙望短咀和米粉咀

▲金雞灣

▲遠方的大細小島外形相似小狗躺臥人稱為史諾比島

▲望魚角

▲長咀徑上落坡幅不大

▲由於路程比較長和崎嶇建議由經驗人士帶領

▲大蚊山

▲赤徑日落

注意事項:
⚠ 愛護大自然生態,切勿捕捉螢火蟲
⚠ 留意專缐巴士班次
⚠ 路途比較遙遠, 要具備足夠體力
⚠ 愛護郊野清潔人人有責,自己垃圾自己帶走
⚠ 風高物燥切勿在郊野吸煙,容易引起火警,後果嚴重

西灣

全程需時約6.5小時全程20公里
路線:西灣亭>西灣> 鹹田灣>大灣>東灣>金雞灣>螺灣>獺灣>赤徑>北潭凹 
路線參考 :https://bit.ly/2PPj0UO
交通: 香港仔或赤柱卜公碼頭坐船,留意航班