【行山路線:周遊蒲台島!】

[駐場博客小牛牛快樂行山郊遊相集by Chan Keung] 期待巳久的蒲台島之旅,卒之成行,可惜天氣不似預期説好的藍天呢? 天灰灰又大煙霞,大大降低拍攝質素! 不過風景靚,奇石多,探索傳聞中嘅鬼屋,仲可以3小時内行了多個景點,都不枉此行。

▲當天响香港仔坐船入去,早咗個多小時前到達香港仔碼頭,已經有50多人排隊中,建議大家預早啲出門,避免人多上唔倒船喔!坐咗大約一小時左右就到達蒲台島碼頭,落船後一直行已經見倒有路牌指示向方,可以從左或從右起步都可以呢,小編由右面開始起步。

▲行咗一小段山路,沿石級落海旁,第一站先到訪摩崖石刻,是歴史古蹟,據聞是三千年前古人刻上去的,故切勿破壞。

▲欣賞完古石刻再沿山徑行,已經見到好多巨石遍佈滿山頭,風景開掦,海風撲面,山徑明顯易行,令人心情豁然開朗。

▲前行會見到一條極具特色的黄色石橋。

▲而蒲台島亦都係觀賞日出嘅好地方,所以有好多慕名而來嘅山友,留宿露營

▲經過一條黄色石橋之後右轉,沿山徑直行大約200米左右就發現一隻巨掌,原來就係佛手岩,真有趣。

▲繼續直行到尾,有石級落可以走到香港最南端~南角咀,由多塊巨石堆砌而成的。

▲打完卡後折返上去126燈塔,途中見到沿岸海蝕洞

▲126燈塔是小有可以走近嘅燈塔,所以成為打卡熱點,呢度十分大風,吹到企唔穩呢!

▲沿行徑落山遠看靈龜上山石,好大嚿喔! 真係好似一隻巨型烏龜爬緊上山感!

▲經過靈龜石靠右面就發現僧人石,好似人咁高呢!

▲繼續落山又發現腳板石,好大隻腳呀!

▲跟住開始踏上石級登上牛湖山頂,呢一段路石級多,都幾吃力喔!

▲山上都有很多帳篷搭建在各山嶺

▲拳頭石

▲到牛湖山頂左轉落開始落山,見到棺材石。

▲長長一條在山邊,繼續落山到達巫氏古宅,傳說中嘅猛鬼屋, 外圍的確陰森恐怖。巫氏古宅傳說是猛鬼屋,外邊更有路牌說明是私人物業不准進入,所以小編都只是在外圍拍照這裡ㄧ片頹垣敗瓦碎布飄掦的確有㸃陰森恐怖。拍照時仲有啲奇怪聲響,小編好細膽,立即箭步走人,急步落山。

▲急步落山後,再右轉到訪天后廟和響螺石,呢嚿巨石非常巨大,近睇唔多似響螺,但在船上遠望就十分相似。

注意事項:

愛護郊野清潔人人有責,自己垃圾自己帶走
風高物燥切勿在郊野吸煙,引起火災後果嚴重
留意航班,錯過咗可能要留在島上,逢二,四,六,日,公眾假期才有航班

周遊蒲台島

全程約5公里,需時約3小時

路線: 碼頭>摩崖石刻>佛手岩>南角咀>126燈塔>靈龜上山石>僧人石>腳板石>拳頭石>牛湖頂>巫仕古宅>棺材石>天后廟>響螺石>碼頭 全程約5公里

https://www.trailwatch.hk/app/?t=activities&rid=10068798

交通: 香港仔或赤柱卜公碼頭坐船,留意航班