【天水圍地膽推薦!隱密商場一角心機cafe】

天水圍成日都比人話佢係美食荒漠,今日小編由天水圍地膽推薦黎到呢間商場角落既心機cafe!地方唔算好大,不過佢地每一杯咖啡同食物都用心製作,小編最鐘意佢地呢個特色彩色Memo紙留言牆,佈置到平平無奇既cafe勁有特色!咖啡入貨講究,唔怪得入口咁香濃!而食物方面聽聞佢地好多都有沙律菜,非常注重健康架!

▲左: 玫瑰小姐鮮奶咖啡 / 右:薑汁焦糖鮮奶咖啡;玫瑰小姐鮮奶咖啡佢將幼滑牛奶、芳香玫瑰花以及醇厚咖啡豆混合成入口芳醇既飲品,再加以玫瑰花瓣碎點綴;而後者加入既薑汁有暖胃作用,加上牛奶咖啡既香滑又濃郁。

▲全英式早餐($88)材料非常豐富包括兩塊多士、兩款肉腸、煙肉、沙律菜、炒滑蛋、茄汁豆仲有兩塊鮮橙,兩個人share都ok!炒滑蛋炒到滑不溜口、蛋汁香濃,磨菇亦極富牛油香!多士烘得金黃色,口感鬆脆!

▲煙三文魚滑蛋多士($88)肥美煙三文魚加上蛋味香濃既滑蛋令人不能拒絕呢份邪惡

▲原先係白雪雪既牆身貼滿左彩色Memo 紙,可謂cafe 一大打卡位

▲店鋪分Order 區同用餐區,面積唔算好大。

87 Coffee

地址:天水圍天湖路1號嘉湖新北江商場2樓53號舖

文字/圖片來源:香港人.遊香港