【聖誕2018預告:過百隻聖誕Bear Bear+ 德國主題市集!】

依家先10月,商場都嚴陣對待聖誕節既黎臨,九龍灣呢個商場就舉辦左「泰迪熊聖誕」, 離遠已經見到4 米高泰迪熊國王壓場,場內以德國新天鵝堡為藍本,加上浪漫飄雪效果,仲有過百隻Bear Bear熊比大家影相打卡!

打卡位1-室內飄雪+4米泰迪熊國王

呢個大bear bear 更以路德維希二世國王(King Ludwig II)造型出現!仲有潔白優雅天鵝倚伴在旁!商場於指定時間更有飄雪效果,浪漫氣氛滿溢整個商場。

▲大bear bear 加上室內飄雪,真係會引來唔少童心未泯既朋友仔黎打卡!

▲仲有1.8 米高威武的士兵造型泰迪熊比你影相!

打卡位2-經典現代泰迪熊展覽

▲泰迪熊展覽更展出唔同年代同造型熊仔!

▲本地著名演唱會造型設計師Constance Lee(曾為容祖兒、陳慧琳及張敬軒等設計造型)為是次泰迪熊展覽設計的全新造型

▲新造型全部以不同歌星們(張敬軒/陳慧琳/C AllStar/鄭欣宜)登台服為藍本製作

▲Steiff 德國博物館特別借出超過 40 件珍藏品,包括星級 系列如伊利沙伯二世 90 週年泰迪熊及時尚大師 Karl Lagerfeld 泰迪熊

▲過百隻泰迪熊率先曝光,大家可以盡情投入小熊繽紛世界

打卡位3-德國聖誕市集廣場

德國聖誕市集廣場中間 有個5.2 米高巨型德國風車蠟燭台裝置,歡度佳節當然少不了聖誕美食及手作精品攤檔,今次商場仲獲得德國國家旅遊局全力支持!將德國主題聖誕市集呈現!呢度有多個售賣傳統美食攤檔,如香脆德國咸豬手、滋味德國腸。

▲5.2 米高巨型德國風車蠟燭台裝置,佈置超有聖誕氣氛!

▲呢邊都有身穿聖誕裝既熊仔同大家影相!

▲商場今年特別與德國百年泰迪熊品牌 Steiff 攜手打造「泰迪熊聖誕」,百年歷史品牌,唔少得有Steiff既booth!

▲呢邊用色同設計比較柔和,比較適合小朋友!

▲呢款紅色小熊夠哂聖誕氣氛!

▲田園風小熊又得唔得到你歡心?除左有好多熊仔之外,商場為大家帶來夢幻德國主題聖誕市集

打卡位4-德國聖誕市集美食

市集有多個售賣傳統佳餚的攤檔,如香脆德國咸豬手、滋味德國腸 及特色漢堡;美酒當然少不了德國手工啤酒及暖胃的熱紅酒等!

德國熊仔軟糖($20.5/100 克)聖誕造型為主題軟糖,包括聖誕老人、薑餅人、天使、聖誕樹

德國黑啤雪山之戀戚風蛋糕($32/個)

招牌德國爆脆鹹豬手$80/份)由德國餐廳主理,醃都醃足3日,入焗爐前還會浸湯半日,令豬手入 味而且保持肉質爽嫩,入口「脆卜卜」,真係唔惹少!

▲德國口味糯米糍($18/件)以德國原材料炮製糯米糍,包括啤酒味糯米糍、德國特濃朱古力味糯米 糍、德國黑松露味糯米糍及德國車厘子 味糯米糍。特別推介德國啤酒味糯米糍

▲比利時聖誕朱古力,聖誕造型的朱古力及棒棒糖,有雪人、 雪鹿及聖誕樹造型,送禮打卡一流,造 型相當可愛!

德福廣場「Steiff 泰迪熊展覽」

地址:九龍灣德福廣場二期中庭

德福廣場「泰迪熊聖誕市集」

日期:2018 年月 11 月 5 日(星期一)至 2019 年 1 月 1 日(星期二)
地址:九龍灣德福廣場一期中央展場

文字來源:香港人.遊香港/圖片來源:德福廣場