【茶記星馬印風情!招牌巨型蝦片印尼炒飯!】

仲要叫佢地既樽仔奶茶
深水埗呢間冰廳奶茶由第一代沖到依家第三代,不過講到食物,一定要數印尼炒飯同焗豬,前者炒飯必配巨型蝦片,炒出嚟飯粒乾身,仲有水汪汪既煎成燶邊既太陽蛋,將蛋黃破開,蛋汁撈微辣炒飯就岩岩好!

▲印尼炒飯($52)印尼炒飯粒粒分明,撈埋蛋黃汁食係一流!

▲焗豬扒飯($52)豬扒超級厚切,份量真係唔少,豬扒唔係用太多嘅鬆肉粉,食落肉味及口感俱全,番茄醬汁、芝士嘅比例剛剛好!

▲特餐檳城叻沙摻摻($46)摻摻即係油麵+米粉,油麵不會煮得太腍,幾彈牙,米粉就較為硬身。湯底則滿滿椰香。

▲樽仔奶茶($10)冰廳使用三重奶茶茶底,雖然係凍飲,但係由於冇加到冰,奶茶芳香絲滑。

雪山冰廳

地址:深水埗青山道62D號地下
電話:2386 5025

文字來源:香港人.遊香港/圖片來源:jasonnarioi_philipfranco6220hkaskforfood