【歎住威士忌high tea。醉人東瀛風味酒店下午茶!】

港麗酒店樂聚廊推出全新東瀛風下午茶,以蘇格蘭威士忌Chivas Regal Mizunara作創作靈感,鹹點代表有迷你蒲燒鰻魚自家製墨魚汁漢堡,的骰惹味;甜品則有威士忌寒天啫喱,將威士忌同日式甜品完美結合😍

▲下午茶使用獨特佳釀Chivas Regal Mizunara芝華士水楢威士忌,係全球第一瓶具有日本水楢桶風味的限量蘇格蘭威士忌,其釀製過程比起其他威士忌有難度,所以備受酒廠調酒師同收藏家青睞

▲鹹點方面有「迷你蒲燒鰻魚自家製墨魚汁漢堡」、「經典玉子燒配菠菜餡料」,「味噌焗鱈魚」同「日式香菇米飯球」等等,全部都好好味,特別係味噌焗鱈魚同迷你饅魚漢堡,魚肉厚身,入口軟滑,甘香豐腴

▲其他甜點則由威士忌配合而成,創作富和式風味嘅甜食。好似「威士忌寒天啫喱」、「日式香橙蜂蜜芝士蛋糕」、「迷你榛子焦糖燉蛋蛋撻」、「日式Nama酒香生黑朱古力」同「抹茶提拉米蘇」等等

▲當然唔少得呢度嘅招牌Scone啦,配埋自家製果醬,真係一流(小編至愛👍)

▲每份雙人份下午茶仲會免費贈送Mizunara Scarf一條,用嚟野餐或者包飯盒就夠晒優雅啦

芝華士水楢威士忌下午茶

時間:8月1日至9月30日(下午茶時段為下午3時至5時30分)
地址:金鐘金鐘道88號太古廣場港麗酒店大堂
價錢:每份定價港幣318元*,雙人份則定價港幣518元*,每份包含熱茶、咖啡、以芝華士水楢威士忌特調雞尾酒「Zen」或無酒精雞尾酒乙杯。

文字來源/圖片來源:香港人.遊香港