【榴槤控注意!貓山王芝士奶蓋】

榴槤跌落奶!

最近有好多飲品店開張,但呢間觀塘以榴槤為主嘅Cafe,全部都有加入貓山王或者榴槤果肉,好似榴槤珍珠奶茶、榴槤芝士雲頂茶同埋榴槤奶昔等等,其中必試《貓山王芝士奶蓋》,榴槤嘅濃香同芝士嘅鹹香有相輔相成嘅效果,奶蓋上面有再加榴槤果蓉,飲飲下又食到果肉,滋味十足。另外有Quota嘅可以再試下榴槤奶昔,用咗一舊新鮮去核貓山王果肉同埋果蓉打成香濃奶昔,飲到榴槤嘅甜香!

▲奶茶當中加入榴槤果蓉,之後會加即打奶泡同糖喺面,最後即席燒成香脆焦糖!

▲一舊貓山王跌落奶:成「舊」貓山王與極濃滑嘅「明治牛乳」打成一試難忘嘅超香濃奶昔。

▲榴槤芝士奶蓋嘅榴槤濃香同芝士嘅鹹香有相輔相成嘅效果。

▲佢地不定期會舉辦嘅榴槤放題同榴槤市集。

榴槤BB

地址︰觀塘敬業街65-67號敬運工業大廈2樓B號舖
時間:12:00 – 19:00(逢星期二休息)

文字來源:香港人.遊香港/圖片來源:榴槤BB