以為一個人去日本就無啖好食？其實一個人食都可以好精彩，呢間係大阪梅田車站週邊嘅立食燒肉店，所有肉都可以小量單點，一個人都可以試好多款式，而且肉質美味，非常值得一試！
▲「一穗」第二ビル店位於大阪梅田同北新地車站周邊，店內約可容納15人，同其他燒肉店嘅最大分別係，呢度係採用立食形式。
▲店內所有座位都係吧台區，每個座位前都有一個小烤爐，一個夾同店家自製醬汁，如果想換鐵網或點餐就可以直接問職員。
▲點餐方面可以選擇單點或叫套餐，肉品單點最平由50Yen起，平均價為150日幣Yen左右，人均消費約為2000Yen，同其他任食燒肉店相比，呢度嘅肉質更加優勝！
▲店內亦有提供各類非酒精／酒精飲品同一品料理，梗有一款岩你心水。
「一穗」第二ビル店
地址：大阪府大阪市北區梅田1-2-2 大阪駅前第二ビルB1F51-1号
電話：050-5593-3965
文字來源：香港人.歎世界/圖片來源：互聯網