【日本 | 東京。精靈訓練員出動👊東京首間Pokemon Cafe】

作為一個出色嘅精靈訓練員,點可以唔去東京首間Pokemon Cafe朝聖一番呢!唔只有主題餐點,仲有多款最新週邊商品販賣架!餐廳採用事前預約制,有興趣記住上網預約喇!

▲首間常駐嘅「Pokemon Cafe」同「Pokemon Center Tokyo DX」已經於3月14日,喺東京嘅日本橋高島屋開幕喇!大廳嘅佈置亦都相當吸睛,勁多比卡超吊掛喺天空中,打卡都打到手軟。

▲Pokemon Cafe推出多款超可愛造型主餐、甜品同飲品,由碗碟圖案、至擺盤同餐點嘅設計都相當精緻,真係靚到唔捨得食呀!

▲好彩嘅話仲可以見到比卡超 “本人”添架!

▲店內販賣多款最新週邊商品,仲有獨家販賣嘅限定版廚師造型比卡超公仔添!絕對值得收藏呀!

Pokemon Cafe

地址:東京都中央区日本橋二丁目11番2号 日本橋髙島屋S.C.東館5F

文字來源:香港人.歎世界/圖片來源:互聯網