【旺角特盛版芋圓仙草!】

呢個特盛版芋圓仙草30幾蚊就食到喇!紫色同橙色芋圓都好煙韌軟糯,成碗份量唔細架,配料有紅豆、小丸子、珍珠、芋圓、西米露同仙草,中間可以揀紫薯蓉或芋泥。除左芋圓仙草,呢度既綠茶系列都係皇牌食品之一。

▲芋圓仙草盛($30) 用仙草做基底,份量真係好多好抵食呀!配料有芋圓、珍珠、小丸子、西米、紅豆。

▲芋圓仙草盛($30) 芋頭控一定揀芋泥球!佢質地結實,材料混有不少芋頭粒,味道天然。

▲宇治森林($54)果然係一分錢一分貨!抹茶雪糕味道香濃,質感滑溜,有白玉、抹茶啫喱同紅豆做配料。中間有粟米片脆脆增強口感,最底層仲有豆腐花,食落好似布甸咁。

▲香芒明珠( $36) 有芒果味雪糕、芒果粒、小丸子、椰果。

點點甜

地址:旺角豉油街126-128號明威閣地下K舖
電話:39569596

文字來源:香港人.遊香港/圖片來源:iamkibbyyydcaloriesfionaskyyagneskllee