【文青半day小旅行!窺探團村之美!】

文物徑勁多打卡位!

屏山文物徑係法定古蹟,全長約一公里, 貫穿成個屏山,係香港首條以歷史建築為主題遊覽步行徑。沿途經多個村落及古意盎然圍村、宗廟,家長假日帶小朋友去,唔單止一齊學習早期鄉村生活文化,呢度仲有唔少打卡位等緊大家。

▲聚星樓坐落於上璋圍北面,是香港現存唯一的古塔。係天水圍站唔難看見,呢度亦係屏山文物徑之起點,聚星樓配合藍天碧雲確係治癒。

▲鄧氏宗祠係必到參觀點之一,雖然三進兩院式宏偉建築至今已有700幾年歷史。樑架雕刻精美,刻有各種動植物和吉祥圖案,鄧氏家族有喜事都會係呢度大排宴席,熱鬧非常。

▲覲廷書室 清暑軒同係讀書地方。牆飾有荷花、壽桃等吉祥圖案,令書室顯得美觀大方。精巧細膩的木雕、灰塑,連廂房的漏窗亦是一絲不苟,顯盡當年鄧族地方豪門的氣派。

▲文物館舊址前身係舊屏山警署,係由一座拱形長廊的雙層建築物及一座單層的輔助建築物所組成,它擁有獨特的建築和歷史意義,其位置能俯瞰貫通鄧氏宗祠、聚星樓及覲廷書室等多個獨特古蹟的屏山文物徑。

▲古典優雅既通花花紋,昏暗深啡木同熾熱陽光成強烈反比。

▲此處圓形出入口,體現中國人信奉天圓地方既心理﹐現代人一於好少理,都係影相打卡最為重要。

屏山文物徑

地址: 屏山屏山文物徑
電話: 9658 4744

文字來源:香港人.遊香港/圖片來源:denise.ho.wong, jacqkohyl, outdoorcookingstoremayxiang sarina_yiu derekyiukk levshalombewowooo