【澳門|美食。真材實料澳門茶記!】

澳門美食, 茶記, 華軒美食

大排檔既鍋氣在澳門

黎到澳門,通常會比外表呃咗,以為只係賭場多,冇好西食。其實美食係有好多,多數位於大小街頭巷尾,只要任何一條街唔放過,美食自然出現眼前。沙梨頭一帶,有一間華軒美食廣東菜主打既餐廳,有唔少香港人食過番尋味。

澳門美食, 茶記, 華軒美食

▲香煎墨魚餅撈粗,薄薄既墨魚餅帶有鮮味,用料十足,煎既時間啱啱好,墨魚餅呈金黃色,再配合泰式甜酸醬一齊食,真係好開胃,粗麵既味道鍋氣十足。

澳門美食, 茶記, 華軒美食

▲咖喱係華軒美食既招牌菜,火山牛肉飯。咖哩汁十足,白飯頂上有打咗隻雞蛋,辣椒味令成碟咖哩飯提升咗層次,有香辣咖哩中帶有酸甜既番茄味。

澳門美食, 茶記, 華軒美食

▲必食既吉列墨魚堡,有大大塊既香炸墨魚餅,配搭芝士、蕃茄、生菜、蛋黃醬和洋蔥,可以當墨魚堡係你既午餐,食既時候都要好小心,唔係既話,會容易跌落地就吾好啦!

澳門美食, 茶記, 華軒美食

▲斑蘭雞肶撈面,雞肉份量十足,又多咖哩汁,味道相當唔錯,呢個份量啱曬食肉控既朋友。

華軒美食

地址: 澳門沙梨頭仁慕巷樂斯大廈地下2號C舖
電話: 6286 0728
營業時間: 星期一至六 7:30-17:00 (逢星期日休息)

文字來源:香港人.歎世界/圖片來源:beanbeanfood, jas_eatwith_mi, una0707, ininyanisebird