【越南|迷人之會安古城行程懶人包-準備篇!】

猶如時光倒流般…
自從HKexpress出左峴港平機票之後,多左香港認識峴港呢個地方,小編大推鄰近懷舊會安古城!晚上的會安古城更加迷人,除了河中佈滿水燈之外,兩岸都掛滿七彩繽紛的燈籠,點點滴滴都令到整個古城描繪得如詩如畫,小編難以用筆墨形容,建議各位親臨當地就會明白了解一切。

越南簽證手續:

旅遊簽證可以前往越南大使館申請辨理,不過費用較高,想節省ㄧ些,亦都可以在網上透過中介公司繳交費用,辦理集體預先批核簽證確認,再到當地機場辨理落地簽證。2017年頭,越南推出左官方網上簽證,節省時間又方便。
1)電子簽證:www.vietnamimmigration.org
填妥及付款後會在 2 個工作天內收到官方申請成功證明書電郵。快證就會在 4 小時至 1 個工作天內取得證明書電郵。列印簽證申請成功證明書+列印並填妥越南簽證申請書+2張證件相帶去再搞落地簽證就ok!

2)網上中介
http://cheapvisavietnam.org/visa-fee
http://vietnamvisapro.com/
https://www.vietnamimmigration.org/
https://vietnamvisa.govt.vn/
https://booking.vietnam-visa.com/step1.html
http://www.myvietnamvisa.com/vietnam-visa-cost.html

3)親身到越南駐港領事館申請
帶同護照正本、証件和已填好簽證表格到越南駐港領事館申請,需時3個工作天,需要去領事館拎返,好趕時間既亦有即日可取的快證。
越南出入境簽證申請表:https://goo.gl/Gzjaxo
越南駐港領事館地址:香港灣仔灣仔道230號佳誠大廈15樓 (灣仔港鐵站A3出口向左轉)
開放時間:星期一至星期五(09:00 AM -12:30 PM, 14:00 PM -17:00 PM),星期六日及公眾假期休息。

會安貨幣:
一般只接受越南盾或美元交易,店鋪服務員大部份都懂得簡單英語。在峴港機場外面已經有一所找換店,可以兌換越南盾,匯率價格都不俗,在店內同時可購買數據儲值卡,相當方便!另外可以係機場或市內atm提款,不過請先係香港開通「海外提款」。

▲越南貨幣面額同數值都好大,瞬間變成千萬富翁冇難度!

會安交通:

由峴港機場坐計程車到達會安古城大約需時一小時左右。 峴港市中心往來會安交通主要形式有3種,小編帶住行李大包細,所以諗都冇諗揀左的士,不過以下資料都可以參考下

▲當地黃巴士:峴港上車位置:粉紅教堂門口
注意事項:峴港公車到站是唔會停定,只會慢速
車費:當地人搭-15000盾/ 觀光客是30000-50000盾

▲Big C免費穿梭巴士:只要在Big C消費250,000VND 就可免費乘搭,不過就要拎住d貨物去會安,不過呢個免費既方法就好適合小資背包客。

▲ 的士:的士單程定價500,000VND左右,建議先議價再上車,呢個方式亦係最舒服、最快捷!

行程建議:
有唔少人都係會安黎個快閃即日來回,小編則建議漫遊古城,參加當地cooking tour 及用單車細細感受!

會安古城

地址:Nguyễn Phúc Chu, An Hội, Minh An, Tp. Hội An, Quảng Nam, 越南

文字來源:香港人歎世界/圖片來源 :香港人歎世界& 小牛牛快樂行山郊遊相集by Chan Keung