【真心抵食韓食set lunch!】


lunch大大份!

炑八韓烤午市每個月都有不同菜式,通常都有十款八款,定價 $48-$68,有湯、泡菜,+$6就有特飲,都算幾抵食!小編覺得個韓式豬肉泡菜湯同雞扒蛋包飯真係好值得推介。怕辣就可以揀呢個雞扒蛋包飯,有4件雞扒之多,肉質嫩滑,滑蛋程旋風形狀,撈飯一併食,蛋香十足。而韓式豬肉泡菜湯既豬肉令泡菜湯口感變得溫和,開胃泡菜配合新鮮五花豬肉又有互相輝映既功效。


▲去到韓燒店總有2個令人卻步既位置,第1係韓燒真心油膩同份量大,第2就係韓燒店所有野都油淋淋,小編都係好少食,原來呢間韓燒店lunch 同下午茶係有set食,解決左第1個疑問。而所有lunch set 都有前菜送,而且泡菜仲可以免費任加。

 


▲辣海鮮豆腐湯($58),海鮮有蝦、青口等,配合豆腐辛辣湯底非常好食!雞蛋打在可石窩湯裡更是錦上添花!

 


▲泡菜豬肉湯($48),泡菜豬肉湯幾濃郁微辣,卻無掩蓋豬肉味道,配飯一流!


▲雖然炑八韓烤有好幾間分店,小編都係鐘情荃灣呢間,湯同飯都夠熱。小編真係試過係其他分店食既飯係凍既!


▲上文提到既雞扒蛋包飯($48)有4件口感厚實既雞扒,滑蛋呈半熟狀態,撈飯一流!值得一提係呢個飯伴並唔係淡而無味青豆或青菜,而係清新沙律菜配車厘茄,減卻口感油膩。


▲ 每個set lunch 可以+$6配一杯特式飲品,小編當日揀左士多啤梨梳打。

炑八韓烤
地址:荃灣眾安街2-8號周合成大廈1樓
電話:2527 1393


文字/圖片來源:香港人.遊香港