遊馬來西亞住宿:【住入檳城古蹟!超靚藍屋打卡打到手軟】- 張弼士故居

在馬來西亞檳城喬治城蓮花河路(Leith Street)有一棟百年老宅,因其外牆被刷成藍色,當地人稱之為「藍屋」!佢呢個顏色由藍地花汁經加工後變成漿汁,用心者便將漿汁曬製之後釀製成顏料,然後塗於牆身。sharp醒既彩藍色牆身加上傳統中國式園林大宅,又帶點西方建築風格,係張弼士當年既大宅之一,建於1897年,花費7年的時間才建竣。依家已經成為一段輝煌歷史,近年一群古蹟保護人士更購入業權,其後仲開放客房讓遊客住宿,舉行婚禮、晚宴,所以係呢度住一晚真係話都冇咁易!

獲聯合國教科文組織評定為古蹟既張弼士故居外觀呈彩藍寶石一般,由於檳城盛產藍花,花汁經加工後變成漿汁,再塗上牆身。

佔地5萬3千平方英尺,建築面積為3萬4千平方英尺,共有38間房、5個天井、7個樓梯及220 扇窗,全間屋都盡顯古色古香。

經修築後18間客房會開放比旅客入住,令旅客感受馬來西亞既昔日豪門氣派

縷花旋轉樓梯搭配彩藍色既牆壁,古然盎然。

3萬幾尺大宅,真係周圍都係打卡位!而呢間藍屋早係2011年,被澳洲《Lonely Planet》評定過全世界「十大豪宅」第二位。

窗戶的彩色玻璃從蘇格蘭進口,有各種顏色鑲嵌而成;

進門大廳鋪設的馬賽克地磚,是從英國進口的,完全就是豆腐乾大小的一小塊一小塊拼接起來。

整個藍屋庭院,好有中國蘇州園林典雅特色,傳說當年日本人佔領檳城時,以為藍屋係座廟宇,因此藍屋得以在戰火中保存了下來。

▲傳統中式屋簷配色襯上島國既藍

張弼士故居(Cheong Fatt Tze Mansion)

地址: 14, Lebuh Leith, George Town, 10200 George Town, Pulau Pinang, 馬來西亞
電話: +60 4-262 0006
官方網頁:cheongfatttzemansion.com/

文字來源:香港人.歎世界 / 圖片來源:Secret Retreats、@agentekaty、@naomiishii、@elisabethjessicaa、@georgia_louise18