【元朗輕鬆行:髻山】

睇日落一絕!

髻山位於元朗西北,此山雖然唔高,係附近村民晨運好地方,所以行2步就見到有休息處,岩哂我地D hea行之人,登山後可以環視尖鼻咀及南生圍一帶的漁塘,大陸果邊都近在咫尺,相信黃昏時段黎風景仲靚!

▲髻山係天水圍同朗屏之間,平日都有唔少村民行下山,行一陣已經睇到天水圍景致。

▲處處都係行山人士自行搭建既休憩處。

▲亦有健身設施。

▲行經一處有一少處貓草,就咁影覺得好治癒。

▲山頂有唔少蝴蝶飛舞,不過其實除左蝴蝶之外,都有好多小昆蟲同小蚊滋。

▲呢個山頂位係必到打卡處,山勢雖不高但視野良好,可以遠望尖鼻咀及南生圍一帶的魚塘。

▲到達山頂後,呢幅作品真係令我嘖嘖稱奇。

▲呢個名為「錦秀山河」都好出色!

▲唔知下次再黎會唔會新作品呢?

▲如果時間許可,可以留到黃昏影埋日落先走。

▲夜景一D都唔比嘉頓山失禮,不過諗住影夜景既,記得帶定照明工具!

髻山

路線:天水圍港鐵站 > 天福路 >髻山> 朗屏體育館
時間:2 小時
長度:3.5 公里
⚠️髻山上有多座屏山鄧氏祖墳,請做足心理準備。
⚠️山徑及山頂有好多小蚊滋,唔想變豬頭請做好防蚊措施。
⚠️天熱提防中暑需備足夠水!
⚠️愛護環境,自己垃圾自己帶走!🚯

文字來源:香港人.遊香港/圖片來源:香港人.遊香港 /petertocs