長沙灣漢堡包:【必食人氣爆芝瀑布式漢堡包!平民價多款意粉選擇!】- FAST TASTE

長沙灣都有間高質專門食漢堡包西餐店FAST TASTE,而且價錢亦相當之公道。除左有全日餐牌之後、仲會有Lunch Set、Dinner Set、同埋素食之選。係呢度除左可以食到素食漢堡包之外、仲有素食意大利粉同意大利飯添。呢度既漢堡包份量真係大到好誇張,有幾層又足料,係唔可以一啖放晒落口。所有漢堡包餐價錢大約$52-$99,亦可以加$18配薯條/薯角/洋蔥圈,同埋會送一杯可樂或橙汁,咁既份量真係好抵食嫁!餐廳既裝修偏向色彩工業風,會播放一啲自己改左詞既歌,都幾有特色。

公司漢堡包($99):呢個漢堡包有兩塊牛,一塊自家制、一塊和牛,面頭上鋪滿漫布般流出黎既車打芝士,仲有黑松露醬煎蛋,一個漢堡包有咁多料夾住,口感真係十分豐富,見到咁多芝士流晒出黎,好吸引!

極上和牛漢堡包($99):如果唔想好似上面圖果個漫布芝士漢堡包的話,可以選這款,這款少了一塊自家制牛漢堡和煙肉,女仔可以揀呢款漢堡包,相對上無上面果種咁高卡路里。

素食全日餐($69):食素既人都有ALL DAY Breakfast 選擇,呢度有素牛/素豬/素雞扒選擇,仲有黑松露炒蛋、素煙肉、茄汁豆、大啡菇、沙律菜、粟米粒、薯格。

洋蔥圈($32):炸洋蔥圈炸到好香脆,喜歡食洋蔥既人一定要叫,每條洋蔥圈都大舊嫁! 除左可以單點之後,亦可以叫漢堡包餐加錢選購。

墨魚汁意大利飯伴老虎蝦 (晚餐價$78 包一杯飲品): 呢款意粉唔係固定係餐牌入面,晚餐menu會經常轉,不過都只係轉食材款,照會有墨魚汁飯的。

Fast Taste

地址:長沙灣元州街482-492號金碧閣地下4號舖
營業時間:星期一至日 12:00-22:00
電話:91233262

文字來源:香港人遊香港 / 圖片來源: @ marshyfood 、@ sunyu1982、@ kosan_hkfoodjournal 、@ siulakec