大澳打卡:【港版壁畫小島漫步!大澳彩色水鄉主題壁畫打卡!】

大澳係大家周六日鄉郊熱點,去到大澳除左買蝦膏蝦醬之外,仲可以同圍行下!係「港版威尼斯」漫步打卡,享受下海岸微風於海堤散步。最近又有多個理由黎大澳打卡喇,近月大澳成為港版彩色壁畫小島,今次呢個藝術活化計劃由香港歴史文物保育建設丶大澳鄕事委員會丶大澳非茂里主辦,當中大部份壁畫係以大澳水鄉為主題分佈係島上唔同角落,而且主辨單位亦好貼心地為地標創作唔同設計壁畫!

▲橫水渡小廚出面一片打卡牆就變左彩色大澳風情既壁畫!

▲充滿特色大澳近來增添新色彩,由大澳非茂里與一班藝術家在大澳不同的地方,因此碼頭附近都充滿彩色壁畫。

▲呢一年大家走過高山低谷,主辦單位希望以彩色壁畫令大家心情更輕鬆。

▲平日呢個位好多艇家提供參觀棚屋+睇中華白海豚服務,依家活化左真係活力十足!

▲就黎到端午節,今次因疫情關係取消左龍舟比賽,黎呢片壁畫前打卡應下節都ok 呀~

▲另一面畫左大澳棚屋風貌。

▲而呢片壁畫用左3D設計~

▲涼亭都有風景壁畫睇!

▲係充滿流浪貓聚集大澳舊消防局隔離,就以貓貓為題繪製壁畫,好切合主題!

▲碼頭有一幅夕陽西下既大澳水鄉。

▲壁畫打完卡可以睇埋日落先離開。

大澳藝術活化計劃

壁畫位置:大澳吉慶街大澳鄉事委員會廣場、駿義龍體育會及附近、巴士總站對出海傍、大澳文物酒店入口附近休息亭、石仔埗街 、基督教宣道會大澳幼稚園

文字來源:香港人遊香港 / 圖片來源:大澳非茂里