北角糖水:【皮薄餡靚流沙湯圓!黑芝麻+花生流心餡一樣咁正!】- 福元湯圓

皮薄餡靚流沙湯圓!黑芝麻湯圓花生流心餡湯圓

呢間位於炮台山地鐵站附近既糖水小店,位置唔起眼,而且店舖面積不大只可放到幾張桌子,所以最近都主打外賣。糖水小店主打黑芝麻湯圓,所有湯圓都係即日新鮮製作,湯圓皮薄餡靚富糯米香,內餡流心黑芝麻餡亦非常濃郁口感滑順,除左黑芝麻湯圓之外,花生湯圓亦極受花生控歡迎,兩種湯圓配搭中式糖水好似杏仁糊、核桃糊等,別具風味!

皮薄餡靚流沙湯圓!黑芝麻湯圓花生流心餡湯圓

▲每碗有五粒湯圓,店內主打有芝麻湯圓及花生湯圓,想食哂兩款口味可以order 鴛鴦湯圓($25),薑味糖水薑味唔會太搶太辣。

皮薄餡靚流沙湯圓!花生流心餡湯圓

花生湯圓($26)花生餡流心餡有花生碎夾雜椰絲,甜中帶脆。

皮薄餡靚流沙湯圓!黑芝麻湯圓

芝麻湯圓($26) 湯圓外皮又煙韌又薄,輕輕咬開流心芝麻餡澎湃爆出黎,芝麻餡的確非常紮實飽滿,滑順口感

皮薄餡靚流沙湯圓!棗香合桃露

棗香合桃露+湯圓($35) 合桃露質感細滑,香氣飄飄,同芝麻湯圓配合得相益得彰。

芝麻糊+湯圓($32)芝麻控一定要食雙重芝麻享受,芝麻糊既芝麻同樣炒得超香,加埋煙韌皮包住芝麻湯圓!

福元湯圓

地址:北角炮台山福元街7號利都樓地下I-1舖
電話:31060129
營業時間:16:00 – 00:30

文字來源:香港人遊香港 / 圖片來源:@natyuen19、@leicasimon、@eelijuan、@ancienttrain8