旺角小食:【韓國超人氣街頭小食拉芝熱狗棒!香港都有得食!】- 阿里郎熱狗棒

韓國超人氣街頭小食之一拉芝士熱狗棒,係各位芝士控去首爾必食item之一,依家未飛到去旅行住,不過香港都有得食呢種咁邪惡小食!一條熱狗棒size超級巨大,現場即叫即整,而且有好多款口味選擇,好似有芝薯拉絲熱狗棒、水牛芝士拉絲熱狗,好似全部都係為芝士控而設!一咬開內餡芝士好熔漿般爆發出來,趁熱食仲會做到超長拉絲效果。

韓國拉絲炸熱狗($34)一口咬開下去,濃濃芝士真係令人好滿足!

▲芝士愛好者絕對不能錯過呢個口味!車打芝士mix馬蘇里拉芝士,飄著濃濃奶香味,芝士滿到要爆出黎!!

▲芝薯拉絲熱狗棒,切粒薯仔包坐著熱狗棒,不過入面其實係冇腸,粒粒薯仔炸成香脆,入面MOZZARELLA CHEESE芝士綿滑,香味濃郁!

▲芝薯拉絲熱狗棒 ($34)醬汁可以揀茄汁、車打芝士醬、蜜糖芥末醬、芝士芥末醬或泰式辣醬

▲車打芝士腸熱狗棒(最上面)係個加大版熱狗腸,如果想食腸就可以揀呢個!外面係以麵粉、米糠一齊炸,融係在芝士腸中車打芝士一咬爆汁,食時要小心燙口!

阿里郎熱狗棒

地址:旺角奶路臣街12-26號啟賢大廈地下7B號舖
營業時間:11:00 – 23:00

文字來源:香港人遊香港 / 圖片來源:@foodtedgram、@foodiskatyslife__

Close Bitnami banner
Bitnami