中環斯里蘭卡菜:【中環蘇豪粉紅雜貨店打卡!原來係地道斯里蘭卡菜!猶如置身韓國MV!】- HOTAL COLOMBO

黎到呢度好似進入左韓國MV場景咁,門口都係以復古風全粉紅門面,加上復古金色英文字招牌,櫥窗放滿零食罐頭等密密麻麻既雜貨,唔係黎食飯淨係係門口打卡都餵飽左相機!無論內外擁有歐陸異國復古風情外貌,不過原來廚師係地道斯里蘭卡人,因此炮製出都係斯里蘭卡特式美食!而當中斯里蘭卡菜非常多元化,當中必食有咖哩及小圓餅!

▲hotal係斯里蘭卡解作everyday canteen ,希望打造家庭式小餐館風,以平民斯里蘭卡菜登大雅之堂。

粉紅色既外牆、整齊既貨架,真係有一秒穿越歐洲錯覺。

▲煙肉煎香蛋餅、原味椰子薄餅/煎蛋薄餅+斯里蘭卡醬,可以配咖哩魚/薯仔/雞,外層脆脆水加上上面有隻太陽蛋同調料真係好惹味!

香炒咖哩鮮蝦+斯里蘭卡薄餅:Kothu斯里蘭卡街頭人氣小食,加上鮮蝦、切碎的左斯里蘭卡薄餅,食用時加入瑪薩拉醬,辣辣地幾開胃。

▲Mud crab with chilli tamarind sauce惹味香辣汁,最正係肉厚多汁既蟹鉗!

▲斯里蘭卡菜融合荷蘭、葡萄牙、英國、馬來西亞、印度特色獨特風味,因此香料都非常有特色。

HOTAL COLOMBO

地址:中環蘇豪伊利近街31號地舖
營業時間:18:00 – 22:45

文字來源:香港人遊香港 / 圖片來源:@pofoodiehk、@___joey.b.lam___、@s0umya、@justicebabaghanoush、@hotalcolombo、@joni.fooddiary