遊台北美食:【人氣生酮甜品!濃香小山園卷蛋/布丁!】- 酮伴咖啡

呢間台北大人氣cafe主打「生酮」飲食,同時抹茶甜品系列都同樣火熱起來!cafe 裝修陳設都好務實,墨綠色門面配深木色,好有歐式小咖啡屋feel!店內有分生酮Menu 及非生酮Menu,素食同肉食都可以共食!生酮Menu 中最受歡迎就係純素又低熱量既綠果昔碗,齊聚牛油果等Superfood,岩哂係旅程之中清清腸胃!而甜品Menu 就有抹茶布丁、Tirumisu、蛋糕卷等都係取材自京都小山園抹茶粉,用料一d都唔吝嗇,抹茶控一定要試!

▲店主關注環境保護,黑板上寫著「為了海龜,外帶不提供一次性餐具,歡迎自備或租用。」

小山園抹茶布丁 (TWD$130)用上小山園若竹製成抹茶醬,再加倍撒上滿滿抹茶粉,而個布丁 base綿密順滑易入口,食落有淡淡抹茶清香!

小山園抹茶歐蕾 (TWD$150)、京都焙茶歐蕾 ($150)

抹茶生乳捲(TWD$130)呢個係個無麵粉、無麩質、無澱粉、無加糖、無泡打粉生酮甜品,仲要低熱量,減緊肥都食得!

小山園抹茶提拉米蘇 (TWD$150)蛋糕整體綿密、味道清爽。淋上抹茶醬及撒上抹茶粉,令抹茶香氣濃厚!

綠果昔碗係純素之選,以牛油果、羽衣甘藍、杏仁奶打製而成翠綠既果昔碗,與感綿滑,上面加有新鮮藍莓、堅果、奇亞籽及赤藻糖,仲有食用花做點綴。

白蘭地焦糖布丁係店主推介,以烈酒結合了焦糖布丁比較少見,聞落有濃郁酒香,食完真係齒頰留香。

酮伴咖啡 Ketoer Cafe

地址: 台灣台北市中正區福州街5之1號
營業時間: 星期一、三至日 09:00–21:00 (星期二休息)
電話: +886 2 2391 3845

文字來源:香港人遊香港 / 圖片來源:@xuan_lun0405、@shes94027、@yoko004001、@nora.chou、@chiakiliu、@ketoer.cafe