都市熱話:【原宿系獨角獸粉嫩主題家居!屋主竟然係位日本大叔?】

每個人都會有自己dream house ,不過往往就要長大先有機會實踐。日本就有位uncle@marshall_fancy對於dream house 有一種特殊情意結,就將係少女心粉色夢幻部屋呈現!兩年前佢開始打造自己喜愛芭比屋feel,佢收藏同獨角獸、粉色公仔小玩具及小擺設、飾品及雜貨小物,將家私都換做糖果粉色系,令平凡家居妏身夢幻少女心粉紅屋!呢位大叔不時都會分享自己購入咩野粉嫩小物,又或者灼一d粉嫩吸睛地方打卡,大家有興趣可以follow下佢!

▲成間房馬卡龍糖果粉色調,連掛起黎既棒球衣服都係粉色系!從床單、被套、沙梳化到貯物櫃!

▲晚上時間可調亮顏色小燈,更有氣氛!

▲不過呢個咁另類既粉色調,真係估唔到房間主人會係一名大叔!

▲大叔最愛《彩虹小馬 My Little Pony》,因此購入左好多小馬獨角獸周邊!

▲休息睇電視地方都係少女心滿滿!大叔接受媒體訪問時,稱自己超愛行逛購入粉色主題既生活雜貨!經常係東京高円寺、中野挖寶!

▲與其話佢係一個住宅,不如話佢係粉紅主題cafe,大叔不時都會泡製一d粉紅少女心飲料。如果大叔真係開cafe既話,一定大受歡迎!

文字來源:香港人遊香港/圖片來源:@marshall_fancy