在家抗疫:【MINECRAFT玩家神重現中大校園!CU人親自導覽!】- cuhkminecraft

Minecraft由2009年開始發佈,係一隻集生存冒險、模擬建設打造3D世界既遊戲,至今仍然受唔少人喜愛,好多人會係隻Game入面興建自己烏托邦。而最近武漢肺炎疫情久久未有減退,打工仔們再次啟動Home Office模式,而學生正式復課則遙遙無期,就算係大專生都係依靠網上教學上堂。其實自上年反修例社會運動引發既中大理大圍城,基本上自上年11月學生都未有返回校園正常上課,有同學仔就表示好掛住自己既校園,係唔駛返學既情況下,有網友@cuhkminecraft就用Minecraft呢隻遊戲將中大校園神重現!就算中大同學冇得上堂,都睇到中大既人傑地靈、山明水秀…

▲中大未圓湖全景,每逢畢業典禮季節,就有好多學生係呢度留影。呢度亦係中大開揚景觀之一!

▲中大圖書館,又稱中大烽火台,有中大傳說就話穿過果個藝術品「仲門」就畢唔到業。

▲中大科學館紫金鳳凰校徽,而且校徽下依然掛住4條黑色直幡,令人思緒一度停留係9、10月岩岩開學既時間。

▲中大新亞書院

▲NA水塔又名君子塔

▲逸夫書院國楙樓-國宿

▲呢位網友相當有心,睇得出佢超熱愛中大,每個書院、建築物都相當細心,仲會話比大家知佢地既冷知識同小故事,相信佢同好多中大人一樣,渴望疫情過去重返校園上課。中大其實仲有好多建築物、景點佢都未post哂出黎,可以追蹤佢IG支持下佢既作品!

文字來源:香港人遊香港 / 圖片來源:@cuhkminecraft

Close Bitnami banner
Bitnami