遊芭提雅:【解鎖少女心!芭提雅粉紅主題沙灘cafe!】- Tutu Beach

芭提雅粉紅主題沙灘cafe

如果你有一顆永遠都長唔大既少女心, 去芭提雅玩就一定要到Tutu Beach粉紅沙灘 打卡!Tutu Beach粉紅沙灘位於芭提雅中天海灘南部,要搭半個鐘車先會到達,今次呢個粉紅沙灘並唔係d沙真係粉紅而係太陽傘、陳設及食物都充斥夏威夷風粉紅主題!柔和既粉色調休閒舒適,一整片粉色裝飾係藍天白雲下沙灘特別吸睛,打完卡之後坐係度飲野放鬆下、望下海休息下,係一個唔錯既放假活動,係呢度可以發呆一整下午,時不時仲有海鷗飛過架!

芭提雅粉紅主題沙灘cafe

▲柔和粉色豆袋靠墊、粉紅色大傘有秩序排列係海灘之上

芭提雅粉紅主題沙灘cafe

▲可以住係一片粉色之中,一眼望去彷彿掉進了粉色海洋,少女心大爆發!

芭提雅粉紅主題沙灘cafe

▲沙灘其實係cafe既一部份,粉色座椅靠墊超萌超夢幻,一開業已經引來大量少女前來打卡!

芭提雅粉紅主題沙灘cafe粉紅蛋糕

▲Cafe餐點、飲品都配合熱帶風情,主要以粉紅色為主。

芭提雅粉紅主題沙灘cafe意粉

▲呢度食物餐點都唔少,有西式意粉、泰國菜呢主食類,連甜品蛋糕都有好多選擇!顏值都超高,超可愛!

芭提雅粉紅主題沙灘cafe飲料

▲係炎熱海灘之上,最適合飲返杯凍飲。飲料可以揀沙冰、果汁、蘇打水、咖啡、冰茶,仲有啤酒、雞尾酒呢d選擇!

芭提雅粉紅主題沙灘cafe粉紅貝殼

▲粉紅色貝殼飲料,飲完仲可以帶走個貝殼!

芭提雅粉紅主題沙灘cafe日落

▲推薦大家下午四五點時候前往,唔會太熱又可以邂逅唯美夕陽!

芭提雅粉紅主題沙灘cafe粉紅蛋糕

Tutu Beach

地址: Unnamed Road, Tambon Na Chom Thian, Amphoe Sattahip, Chang Wat Chon Buri 20250
營業時間:11am-8pm

文字來源:香港人遊香港 / 圖片來源:@wanwanwi