西環打卡:【隱秘海邊鞦韆!日系無敵海景打卡!】- 沙灣

沙灣又稱大口環,位於香港島南區摩星嶺同鋼綫灣間之間。未走進沙灣,會先經過散步徑,石壆係一個好好嘅拍照位置,好多朋友會行上石壆,好容易影到呃LIKE相!而散步徑盡頭就會發現隱秘既海邊鞦韆,影出黎視覺效果滿分!最後到黃昏時候,可以走到海邊石造小橋欣賞日落海景!要注意沙灣比較多碎石,到海邊時要小心D呀!

 沙灣徑近年知名度極增,係好多網紅youtuber拍MV、微電影好地方,呢個長長既石壆好有日劇、台劇feel!

平日黎既話就唔算好多人,容易影到靚相!

沿從長堤行到海邊就會到達海邊鞦韆打卡位

鞦韆係居民搭建,要好好珍惜呀!

沙灣海邊係個賞日落好地方

呢個石造小橋亦係打卡位之一

換上拖鞋行到石造小橋中央,讓海水沖濺,拍岸浪花景色一流!

沙灣

地址:沙灣徑
交通:於港鐵堅尼地城站A出口小巴總站乘搭58號小巴,於「麥理浩復康院」落車。下車後過沿球場海邊方向走便會到達長堤。長堤另一旁石灘則可在「根德公爵夫人兒童醫院」右方穿過樹蔭到達。

文字來源:香港人遊香港 / 圖片來源:@leyley_487、@mactopia、@emilymobilephoto、@annie.o8o3、@evachanyeewah