都市熱話:【杏仁朱古力脆皮+瑞士三角朱古力雪糕內餡!英國限定三角朱古力雪條】- Toblerone

講到好味既朱古力品牌,一定會提到瑞士三角朱古力,呢款必定要帶埋去阿爾卑斯山影相打卡既朱古力,外型獨特深入民心。原來近來佢地仲進軍雪條界,真係令一眾朱古力控又期等待又輕奮。瑞士三角朱古力雪條推出過三角白朱古力雪條同原味三角朱古力雪條,雪條保留三角朱古力原始風味,材料同樣取自牛軋糖、杏仁及蜜糖,食過既朋友都表示值得再食,不過暫時只係英國限定,希望香港遲d都會有得食啦!

▲瑞士原產Toblerone三角朱古力,係著名食品公司卡夫王牌產品,亦世界九大頂級朱古力品牌之一,近年推出雪條亦大受歡迎!

▲三角朱古力雪條一盒有三條!形狀同樣係以阿爾卑斯山馬特洪峰樣子為​​原型。

▲三角朱古力雪條外層係薄薄朱古力脆皮加杏仁,內面係由牛軋糖、蜜糖等三角朱古力原材料打成牛奶朱古力雪糕,香濃滿滿同原版如出一轍!

三角白朱古力脆皮雪條,將牛奶朱古力換成白朱古力脆皮,入面包住既係蜜糖鳥結糖雪糕!

▲白朱古力脆皮表面同樣充滿香脆杏仁,有網民就認為製作成雪條白朱古力比原來白三角朱古力更勝一籌!

三角白朱古力脆皮雪條

售賣地區:英國超市

文字來源:香港人遊香港 / 圖片來源:@appletea_kikobobo、@singapore.foodie、@ptheledge

Close Bitnami banner
Bitnami